Биһиэхэ «Очумелые ручки» куруһуок ыытыллар. Салайааччыбыт уруһуй учуутала Анна Егоровна Винокурова. Ааспыт дьарыкка эбру диэн саҥа уруһуй ньыматын көрдөрбүтэ, үөрэппитэ. Бу ньыманы аан бастаан англичаннар толкуйдаабыттар эбит. Маннык ньыманан кумааҕыга эрэ буолбакка, таҥаска кытта ойуулуохха сөп эбит.
Эбру ньыматынан ойуулуурга сылаас уу эбэтэр үүт, крахмал, араас өҥнөөх кырааска, киистэ уонна синньигэс мас наада. Нэлэҕэр иһиккэ уубутун кутабыт, онно крахмал кутан үчүгэйдик булкуйабыт. Киистэбитин кырааскаҕа уган ылабыт уонна крахмаллаах ууга киистэ төбөтүн эрэ даҕайан ылабыт. Оччоҕо кырааска бэйэтэ тарҕанан ойуу буолан тахсар. Маны таба көрөн кырааскалары таммалатан биэриэххэ сөп. Кумааҕыбытын кырааскалаах уу үрдүгэр ууран ылабыт. Сонно хостоон ылан куурда уурабыт. Кумааҕыга араас дьикти ойуулар тахсаллара наһаа интэриэһинэй.
Уруһуйдарбытын быыстапкаҕа ыйаабыппыт. Бу быыстапканы көрөн, атын оҕолор эмиэ ойуулуохтарын баҕарбыттара буолуо. Оттон биһиги эбру ньыматынан уруһуйдууру олус сөбүлээтибит. Аны кумааҕыга буолбакка, таҥаска ойуулаан көрүөхпүтүн баҕарабыт.
Сааскылаана Бубякина, 5 кылаас,
Эля Сухомясова, 6 кылаас, Өлөөкө-Күөл орто оскуолата.