«Төрүччү» өрөспүүбүлүкэтээҕи бырайыак кыттыылааҕа —И.Г. Тимоофеев аатынан Майатааҕы лицей VIII кылааһын үөрэнээччитэ Данил Исаков.
«Хас биирдии киһи хантан хааннааҕын, кимтэн кииннээҕин билиэхтээх, төрүттэрин-уустарын үчүгэйдик билэргэ кыһаныахтаах, кинилэр мааны майгыларын, үтүө үгэстэрин кэриэстээн урууларын-аймахтарын билсиһиэхтээх. Ол инники олоҕун акылаата буолар. Онон сибээстээн, мин эбээм Анфиса Петровна Дмитриева — Герой Ийэ олорон ааспыт сырдык олоҕун сырдатыы, үйэтитии эдэрдэр, кини оҕолоро, сиэннэрэ, хос сиэннэрэ ытык иэспит буолар. Эбэм туһунан научнай үлэ суох. Кини туһунан биһиги, кини сиэннэрэ, хос сиэннэрэ билиэхтээхпит уонна холобур оҥостуохтаахпыт», — диэн Данил научнай үлэтигэр суруйар.
keskil14.ru