Биһиги эбээбит Ирина Ивановна Филиппова (Андреева) 1934 сыллаахха балаҕан ыйын 30 күнүгэр Мэлдьэхси нэһилиэгэр Андреевтар үлэһит дьиэ кэргэнигэр бастакы оҕонон күн сирин көрбүтэ. 1944 сыллаахха оскуолаҕа үөрэнэ киирэн, 7 кылааһы бүтэрбитэ. 7 сааһыгар аҕата Иван Петрович сэриигэ барбыт, онон эрдэ колхозка үлэлии тахсарга күһэллибит. «Карл Маркс» колхозка 16 сыл, онтон салгыы «Герой Попов» совхозка Хорообут отделениетыгар ыанньыксытынан үлэлээбит. Үчүгэй үлэтин иһин 1957 сыллаахха Москва куоракка БСТХБ быыстапкатыгар күүлэйдээн кэлбит, элбэх наҕараадаларынан наҕараадаламмыт.
«Колхоз кырдьыга» диэн оройуоннааҕы хыһыакка 1961 сылга алтынньы ый 6 күнүгэр тахсыбыт нүөмэригэр үүт ыаммын социалистическай куоталаһыыга бастаабыт ыанньыксыттар 1951 сыл тохсунньу 1 күнүттэн алтынньы 1 күнүгэр диэри биир фуражнай ынахтан ыабыт үүттэрин графига бэчээттэммит. Ол көрдөрүү кэпсииринэн Ирина Ивановна 1502 киилэ үүтү ыан 17 киһиттэн 4-с миэстэни ылбыт.
Эбээбит төһө да бириэмэтэ суох ыарахан үлэҕэ сырыттар общественнай үлэҕэ көхтөөхтүк кыттар эбит. 1957 сыллаахха Хорообуттааҕы уокурукка ЫБСЛКС оройуоннааҕы тэрилтэтин аатыттан быыбар хамыыһыйатыгар чилиэнинэн үлэлээбитэ. Ити курдук норуот депутатынан талыллан 1959, 1963, 1971 сылларга үлэлээбитэ.
Эбээм Ирина Ивановна Филиппова (Андреева) үлэлээбит киниискэлэриттэн көрдөххө, 1967 сыл кулун тутар 1 күнүттэн «Герой Попов» сопхуоска Хорообут отделениетыгар ыанньыксытынан үлэлии киирбит. Ол иннинэ «Карл Маркс» холкуоска 16 сыл ыанныксыттаабыт.
Урут үлэһиккэ икки үлэ киниискэтэ баар эбит. Бастакыта үлэ ыстааһын киэнэ, иккиһигэр ыанныксыт үүтүн көрдөрүүтүн толоруута, сылга хас күн үлэлээбитэ, төһө хамнаһы ылбыта, ынахха төһө оту сиэппитэ, төһө арыыны онорон таһаарбыта суруллар эбит. Онно сыл аайы көрдөрүүтэ барыта үрдээн иһэр эбит. Эбээм, ыанньыксыттыы сылдьан, Мальвина диэн ынаҕын хайҕаан кэпсиирэ. Күн аайы үлэлэригэр биир киһи курдук ким да хойутааһына суох кэлэллэр үһү.
«Герой Попов сопхуос тэриллиэҕиттэн ыла үлэ-хамнас өссө күүскэ барбыта» диэччи. Бииргэ үлэлээбит дьоно «эбэбин олус ыраас, үлэтигэр эппиэтинэстээх» дииллэр. Эбээм, төһө да бириэмэтэ суох үлэҕэ сырыттар, общественнай үлэҕэ көхтөөхтүк кыттар эбит. «Холкуос кырдьыга» хаһыат кэпсииринэн, 1957 сыллаахха 17 №-дээх Хорообуттааҕы уокурукка ЫБСЛКС оройуоннааҕы тэрилтэ аатыттан быыбар хамыыһыйатыгар чилиэнинэн үлэлээбит. Онтон аны бэйэтэ, 1959, 1963, 1971 сылларга Мэҥэ Ханалас оройуоннааҕы үлэһиттэрин депутатынан талыллан, норуотун туһугар үлэлээбит . Мин эбэбинэн киэн туттабын. Кини, төһө да атаҕын улаханнык өлөрдөр, салгыы бу ыарахан үлэҕэ үлэлээбит. Ордена, мэтээллэрэ ону туоһулууллар:
- Знак почета. Указ Президиума ВС СССР 06.09.1973 г.
- «Ветеран Труда» Указ Президиума ВС СССР 25.08.1987 г. 3. «За доблестный труд в ознаменовании 100-летия со дня рож дения Владимира Ильича Ленина». Указ Президиума ВС СССР 26.03.1970 г.
- За доблестный труд в Великой Отечественной Войне 1941- 1945 гг. Указ Президиума ВС СССР от 06.06.1945 г.
- 50 лет победы в ВОВ
- 55 лет Победы Советского народа в ВОВ
- «Маршал Советского Союза Жуков». Постановление Постоян- ного Президиума Съезда народных депутатов СССР от 20.02.1997 г.
- 120 лет И.В. Сталину. Указ Постоянного Президиума Съезда народных депутатов СССР от 15.08.1999 г.
- Знак ЦК ВЛКСМ РФ «За успехи в развитии животноводства» 10. Знак МСХ СССР «Отличник социалистического соревнования хозяйства МСХ Союза СССР от 02.10.1957 г.
- Медаль участника ВСХВ Всесоюзная сельскохозяйственная выставка 1957 г.
- Знак ЦК ВЛКСМ «Молодому передовику производства»
- Ударник коммунистического труда
- «Почетная Грамота» Якутского обкома ВЛКСМ 15. Свидетельство «Лучшая доярка района»
- «Почетная Грамота» ЦК ВЛКСМ
- «Почетная Грамота» РК КПСС и Райисполком Мегино Кан- галасского района
- Занесена в «Книгу Почета» совхоза им. Героя Советского Союза Ф.К. Попова
- Присвоено звание «Мастера сельского хозяйства І разряда по KPC 20. Почетные Грамоты руководства района, колхоза «Карла Маркса », с-за им. Героя Попова
- Депут. билет Мэлдьэхси нэһилиэгинээђи үлэһиттэр депута- аттара ІХ ынырыылаах 1963 с. 12 округ
- Мэнэ Ханалас оройуона Мэлдьэхси нэһилиэгин үлэһиттэрин депутааттарын съеһигэр ХIII ынырыылаах 1971 3 №-дээх уокурук.
Варя Романова, XI «Б» кылаас, В.П. Ларионов аатынан Майа орто оскуолата