Үөрэнээччи саҥарар саҥата сайдарын туһугар саха тылын уонна литературатын учууталлара үлэлииллэр. Ол курдук, Э.К.Пекарскай аатынан Игидэй орто оскуолатын 5, 6 кылааһын үөрэнээччилэрэ, хоммут уостарын хоҥнорон, өрөөбүт уостарын өһүлэн олоҥхо толорорго холонон көрдүлэр . Бэһис кылаастар С.С.Васильев «Мүлдьү Бөҕө» олоҥхотун , алтыс кылаастар «Эрчимэн Бэргэни».
Оҕолорго олоҥхоҕо интэриэһи, сүдү айымньыга убаастабылы иитиинэн Варвара Ефимова-саха тылын уонна литературатын үрдүкү категориялаах учуутала дьарыктанар. Төрөөбүт норуотун култууратын билэр киһи дойдутугар бэриниилээх буола улаатар, сайдар.