Биһиги эһэбит Мохначевскай Егор Семенович 1947 сыллаахха үлэһит дьиэ кэргэҥҥэ төрөөбүтэ. Ийэлээх аҕалара эрдэ өлөн, оҕо саастарыгар төгүрүк тулаайах хаалбыттара.
Ахсыс кылаас кэнниттэн Дьокуускайдааҕы автооскуолаҕа үөрэнэн суоппар идэтин ылбыта. Үөрэҕин бүтэрин 1965 сылтан төрөөбүт колхоһугар суоппарынан эҥкилэ суох үлэлиир.
Үлэлиирин тухары куруук пятилетка былаанын аһары толорон элбэх наҕараада ылар ол иһигэр:
• Профсоюз киин кэмитиэтин грамоталара;
• Хас да төгүллээх Чекист Иван Петров бирииһин лауреата;
• 10 пятилетка Ударнигын бэлиэтэ;
• Социалистическай күрэх кыайыылааҕын бэлиэтэ;
• ССРС 60 сылынан юбилейнай бэлиэ;
• 1985 с Мэҥэ сопхуоска Егор Цыпандин аатынан бириис лауреата;
• 1985 – 1987 сс Оройуон чемпиона;
• 1985с Республика агропромун чемпион суоппара;
• 1987с Үлэ албан аата кинигэҕэ киллэриллибитэ.
Биһиги эһэбит куруук бастыҥнар кэккэлэригэр сылдьыбыта. Ол курдук 1982 сыллаахха туйгун үлэтин иһин ВДНХ-ҕа барар путевканан наҕараадаламмыта. Биһиэхэ кэпсииригэр үөрэ-көтө харахтара уоттана түспүтэ. Мэҥэ Хаҥалас улууһуттан делегация талыллан барбыттар, ол иһигэр биһиги эһэбит. Онно саамай бастакытын сөмөлүөтүнэн көтөн, Москуба куоратын көрбүт. Метронан айаннаан наһаа сэҥээрбит. ВДНХ араас элбэх выставкатын көрөн сөхпүттэр, Сэбиэскэй сойуус араас муннуктарыттан туйгун үлэһиттэр үлэлэрин, оҥоһуктарын, тыа хаһаайыстыбатын кыыллара улахаттарын, ынахтарын үүттээхтэрин бөдөҥнөрүн көрөн сөхпүт этэ. Кыһыл болуоссакка күүлэйдээн, мавзолейы көрөн үөрбүттэр. Наһаа улахан маҕаһыыннарга сылдьыбыттар. Оҕолоругар кэһии аҕалбыт «Царь-колокол» сервиз билигин да баар. Дойдубут тэбэр сүрэҕэр Москуба куоратыгар сылдьыбытынан биһиги киэн туттабыт.
Билигин эһэбит 77 хаарыгар олорор, сылгы иитэр, Мэҥэ нэһилиэгэр биир ытыктанар холобур буолар киһи. Сыл аайы Булчут кутаата диэн, эр дьоҥҥо аналлаах, сэрии бэтэрээннэрин ааттарын үйэтитэр тэрээһин ыытар. Кини аатынан оҕолоро оскуоланы бүтэрэн барар оҕоҕо стипендия анаабыттара. Биһиги эһэбитинэн киэн туттабыт.
Алиса, Олимпия Павловалар, В.П. Ларионов аатынан Майа орто оскуолата