Дьааҥы улууһун Эҥэ орто оскуолата үөрэнэр дьиэтэ төһө да кыратын, ирдэбилгэ эппиэттээбэтин үрдүнэн, санаабытын түһэрбэппит, олоххо киирэр саҥа сүүрээннэртэн хаалсыбат.
Соторутааҕыта «Цифровой үөрэхтээһин эйгэтэ» диэн кэбиниэти арыйдыбыт. Бу кэбиниэти өрөмүөннээн, силигин ситэрэн оҥорооччунан дьоҕус урбаанньыт Николай Михайлович Гоголев буолар. Киниэхэ тыа хаһаайыстыбатын специалиһа Бурцев Иннокентий Иннокентьевич көмөлөстө.
Арыйыы тэрээһинин сиэригэр-туомугар олохтоох дьаһалта аҕа баһылыга Руслан Русланович Семенов кыттыыны ылла, эҕэрдэ тылын эттэ. Дириэктэр Анна Витальевна Павлова цифровой эйгэ тэриллибитинэн эҕэрдэлээн туран, үлэлээбит дьоҥҥо махтал суруктары туттарда. Кэбиниэт үөрэх хаачыстыбата үрдээн, кыаҕа кэҥээн, оҕолор элбэххэ үөрэнэллэригэр эрэнэрин эттэ.
Ити курдук, » Үөрэхтээһин» бырайыагынан хоту сир оскуолатыгар саҥа сүүрээн киирэн, оҕолор үөрүүбүт үксээтэ.
Аня Ефимова, X кылаас.