Олунньу 5 күнүгэр биһиги нэһилиэкпитигэр Наахара КМО-тун «Мин баһылыкпын-2025» дьыалабыай оонньуу ыытылынна. Манна ыаллыы сытар нэһилиэктэртэн биэс уол кыттыыны ылла. Быйылгы оонньуу Кыайыы 80 сылын көрсө уонна Ийэ дойдуну көмүскээччи сылыгар ананна. «Мин баһылыкпын» дьыалабыай оонньуу уол оҕону сахалыы сиэр-майгы, өй-санаа өттүнэн сайыннарар, төрөөбүт дойдуларыгар тапталларын, бэриниилээх буолууларын күүһүрдэр. Түһүмэхтэр түмүктэринэн, оонньуу Кылаан кыайыылааҕа улууска баран нэһилиэгин, КМО-тун чиэһин көмүскүөхтээх. Дьыалабыай оонньуу 6 түһүмэхтэн турар: 1) «Удьуор утума»; 2) «Дойду салайааччылара»; 3) «Блицтурнир»; 4) «Дьыалабыай оонньуу»; 5) «Айыы умсулҕана»; 6) «Төрөөбүт түөлбэни сайыннарыы». Уолаттар аны 10 сылынан, 2035 сылга, улуустарын сайдыытын хайдах көрөллөрүн туһунан бэйэлэрин санааларын эттилэр, бэлэмнээн кэлбит бырайыактарын көмүскээтилэр, көрөөччүлэр ыйытыыларыгар хоруйдаатылар. Алта түһүмэх түмүгүнэн «Кылаан кыайыылаах» ааты Тиэлиги орто оскуолатын 8 кылааһын үөрэнээччитэ Василий Захаров ылла. Аны улуустааҕы күрэххэ ситиһиилэри баҕарабыт, нэһилиэгин ааттатыа диэн эрэнэбит.
Маны таһынан, бу күннэргэ оскуолабытыгар Улуу Кыайыы 80 сылын көрсө «Память Победы» диэн ааттаах 10 кылаас үөрэнээччитин Александр Васильев уруһуйдарын быыстапката турда. Саша уруһуйдарын, хаартыскаларын уонна грамоталарын оҕолор, учууталлар сэргии көрдүбүт. Александр 6-с кылаастан сэрии массыыналарын уонна таанкаларын сөбүлээн уруһуйдуур. Сороҕор бэйэтэ айан эмиэ уруһуйдуурун эттэ. Сашаны көрсөн, эбии ыйытыы биэрбиппэр маннык хоруйдаата:
«Мин бу сайын Санкт-Петербург уонна Москва куораттарга баран кэллим. Москваҕа военнай музейдарга сылдьыбытым, онно Аҕа дойду сэриитигэр туттуллубут таанкалар бааллара. Мин санаабар, саамай үчүгэй КВ-1 танк, тоҕо диэтэххэ кини саамай күүстээх уонна бөҕө. Бэйэм «Бронетанковое сооружение России» диэн дакылааппынан НПК-ларга кыттан миэстэлэспитим, элбэх ситиһиилээрдээхпин».
Бэлиэ күнтэн сиһилии видео-матырыйаалбытыгар көрүҥ:
Аайа Макарова, 11 кылаас уонна Кира Уткина, 6 кылаас, «Проба пера» эдэр корреспонденнара,
Видеоролигы таҥан оҥордо: Романова Настя 9 кылаас,
Чыамайыкы, Мэҥэ Хаҥалас