Норуоттар икки ардыларынааҕы Арктическай оскуола 9 кылааһын үөрэнээччитэ, Ф.И.Авдеева аатынан Оҕо айымньытын дыбарыаһын иитиллээччитэ, 14 саастаах Сандаара Апросимова классическай дуобакка Европа чөмпүйэнээтин устуоруйатыгар бастакытын саамай эдэр чөмпүйүөн аатын ылары ситистэ. Онтон норуоттар икки ардыларынааҕы гроссмейстер Гаврил Колесов түргэн бырагыраамаҕа чаҕылхай оонньууну көрдөрөн, кыһыл көмүс мэтээли ылла.
Дуобакка классическай көрүҥҥэ чөмпүйэнээт Турцияҕа Каппадокия куоракка атырдьах ыйын 11-17 күннэригэр ыытыллыбыта.
Саха сирин бырабыыталыстыбата, физкультура уонна спорт министиэристибэтэ, дуобат Саха сиринээҕи Федерацията, сүүмэрдэммит хамаандалары бэлэмниир киин спортсменнары харчынан сертификаттарынан наҕараадалаата.
Сертификаттары Гаврил Колесов, Сандаара Апросимова, Наталья Шестакова, тренердар Иван Павлов, Александр Азаров уонна Николай Кычкин үөрүүлээх быһыыга-майгыга туттулар.
