Муус устар 15 күнүгэр күнүс 15:00 чаастан Филипп Гаврильевич Охлопков орто оскуолатыгар «Дорога памяти – 4» диэн Аҕа дойду Улуу сэриитин кыттыылаахтарын кэриэстиир кинигэ дьоһуннаах сүрэхтэниитэ буолан ааста. Тэрээһини улуустааҕы киин библиотека үлэһиттэрэ Ольга Николаевна Дьяконова уонна Юнона Александровна Игнатьева ыыттылар.
Тэрээһин үөрүүлээх быһыыга-майгыга буолан ааста. Саҕаланыытыгар бырайыак ааптара Птицына Матрена Петровна видеота көрдөрүлүннэ. “Дорога памяти” бырайыак – дириҥ ис хоһоонноох, хас биирдии дьиэ кэргэн чугас дьоруойдарын, киэн туттар, холобур оҥостор дьоммут ааттарын үйэтитэр ытык суолталаах үлэ. Бу – волонтерскай-чинчийэр этэрээттэр сыралаах үлэлэрин түмүгэ буолар.
Кинигэни таһаарыыга улахан өҥөлөөх эрэдээктэрдэр тыл эттилэр: салайааччы Андрей Вадимович Захаров, НМР-га солбуйааччы Ньургуйаана Ивановна Скрябина, история учуутала Виктория Петровна Устинова, оскуола мецената Евдокия Саввична Решетникова.
Оҕолор уонна аймахтар бэйэлэрин хос эһэлэрин, эбэлэрин тустарынан кэрэхсэбиллээхтик кэпсээтилэр:
- 6 «а» кылаас үөрэнээччитэ Федорова Карина кинигэ таһыгар уруһуйун туһунан;
- 3 «в» кылаас үөрэнээччитэ Григорьева Айыына хос эһээтэ Дмитрий Васильевич Сыромятников туһунан;
- 3 «в» кылаас үөрэнээччитэ Григорьев Коля хос эбээтэ 85 саастаах Анна Алексеевна Атласова видео эҕэрдэтэ көрдөрүлүннэ;
- 6 «б» кылаас үөрэнээччитэ Шахурдина Сайаана эбээтинээн Шахурдина Агафия Константиновналыын Шахурдин Руслан Михайлович туһунан;
- 3 «а» кылаас үөрэнээччитэ Решетников Ариан ийэтинээн Зинаида Валерьевналыын Холмогоров Сергей Васильевич туһунан;
- 5 «а» кылаас үөрэнээччитэ Ядрихинский Айсен хос эһээтин Ядрихинский Иннокентий Сидорович туһунан;
- 9 «б» кылаас үөрэнээччитэ Сидорова Вика хос эһээтин Сидоров Виктор Павлович туһунан;
- 9 «б» кылаас үөрэнээччитэ Платонов Аман хос эһээтин Алексеев Петр Иосифович туһунан.
Тэрээһин түмүгэр бары кыттыылаахтар уопсай хаартыскаҕа түстүлэр. Бу кинигэ хас биирдии дьиэ кэргэн историятыгар умнуллубат суолу хаалларыаҕа диэн эрэнэбит!
Дарина Андросова, Снежана Яковлева,
Түмэн медиа киин кэрэспэндиэннэрэ
keskil14.ru