Аксения уонна Наталья Посельскаялар ааттарын сүгэр Дьокуускайдааҕы балет оскуолатын бастакы кууруһун устудьуона Алисия Пак «Россия Култуура» телеханаал бырыайыагар кыайда. Бу туһунан СӨ Култуураҕа уонна духуобунай сайдыыга министиэристибэтин пресс- сулууспата иһитиннэрэр.
Ол курдук, «Большие и маленькие» биэрии эфиргэ балаҕан ыйын 4 күнүгэр көстүбүтэ. Бу үҥкүү күрэҕэ, манна оҕолор уонна ыччаттар кытталлар, ону хореография сулустара сыаналыыллар.
Бырайыак ыытааччыта – Россия улахан театрын прима-балерината, Ла Скала Милан театрын этуаля, Россия народнай артыыската Светлана Захарова.
Алисия Пак «Классический танец» диэн анал аакка кытынна. Кыыс Саха сирин үтүөлээх артыыската Дария Дмитриева салалтатынан «Эсмеральда» балетыттан нүөмэр бэлэмнээтэ.
Эҕэрдэлиибит!