Антонина Гаврильевна уонна Николай Константинович Чиряевтар ааттарынан Дьокуускай куораттааҕы национальнай гимназия 10-г кылааһын үөрэнээччитэ Артем Петров Арассыыйа чөмпүйэнээтигэр «миксфайт» көрүҥҥэ 60 киилэҕэ дылы ыйааһыҥҥа бастакы миэстэни ылла!
Саха Өрөспүүбүлүкэтин «миксфайт» көрүҥ сүүмэрдэммит хамаандатын салайааччыта Тургун Попов «Спорт Якутии» хаһыакка иһитиннэрбитинэн, Люберцы куоракка Россия чөмпүйэнээтин Кубогар 14-15 диэри уонна 16-17 саастаах уолаттар икки ардыларыгар түмүктүүр хапсыһыылара буолан ааста. Кыайыылаахтар истэригэр — федерация сүүмэрдэммит хамаандатын чилиэннэрэ бааллар.
Артему бу улахан кыайыытынан эҕэрдэлиибит! Инникитин өссө үрдүк ситиһиилэри баҕарабыт!