Кулун тутар 18-19 күннэригэр Дьокуускай куоракка II төгүлүн сахалыы тылынан ыытыллар «Барҕарыы» кэмпириэнсийэ буолан ааста. Кэмпириэнсийэҕэ 400-тэн тахса өрөспүүбүлүкэбит 15 улууһуттан уонна Дьокуускай куораттан бастыҥтан бастыҥ оҕолор Өрөспүүбүлүкэтээҕи лиссиэй-интэринээт дьиэтигэр тоҕуоруһа мустан 18 сиэксийэнэн күөн көрүстүлэр.
Күн бүтүүтэ кэмпириэнсийэ кыайыылаахтарын эҕэрдэлээтилэр, доҕордоһуу-билсиһии киэһэтэ буолла, ыҥырыылаах ыалдьытынан бары билэр ырыаһыппыт Эрхаан уонна бастыҥ диджей Dalan кыттыыны ыллылар.
Иккис күн Саха тыйаатырыгар кылаан кыайыылаахтары эҕэрдэлээһин буолла. Үөрэх, култуура, спорт, урбаан эйгэтиттэн биллиилээх дьон, блогердар, артыыстар кыттыылаах форсайт-сессия буолан ааста. Оҕолор олус интириэһиргээтилэр, араас ыйытыктары ыйыттылар.
Александр Федоров, Х кылаас, «Уткин сонуннара» медиакиин юнкора, К.Д. Уткин аатынан Марха орто оскуолата, Хатыҥ-Сыһыы сэл., Ньурба.
keskil14.ru