Кулун тутар 17 күнүгэр “Сэргэлээх уоттара” култуура киинигэр нарын-намчы кыргыттарбыт кыталыктыы кынтайан тахсан көрөөччүлэргэ умнуллубат кэрэ түгэни бэлэхтээтилэр. Кыргыттарбыт бары даҕаны кэрэлэрин, талбаларын таһынан, олус талааннаах, ырыаһыт талыыта, үҥкүүһүт үтүөтэ, көмүс тарбахтаах эбиттэр.
Биһиги оскуолабыт кэрэ нарын кыргыттара:
1. Жирохова Ирина 10 “Г” кылаас
2. Васильева Нарияна 11 “Б” кылаас
3. Петрова Элеонора 9 “В” кылаас
4 Сысолятина Сайаана 9 “Б” кылаас
5. Сергеева Сардаана 10 “В” кылаас
6. Кралина Диана 9 “А” кылаас
7. Федорова Айыына 10 “Г” кылаас
8. Николаева Алеся 9 “Г” кылаас
9. Оконешникова Элеонора 10 “Б” кылаас
10. Федорова Анджелина 11 “В” кылаас 11. Семенова Валерия 10 “В” кытыннылар.
Күрэхтэһиини иилээн-саҕалаан ыыппыттара: биһиги оскуолабыт дириэктэрин сүбэһитэ Максимова А-К.А уонна 21№ оскуола дириэктэри сүбэһитэ Петров Гаврил. Маны таһынан, Дьокуускай куоратын 5 № уонна 31 № орто оскуолатын медиа студиялара көмөлөһөн видеоҕа уонна хаартыскаҕа түһэрдилэр.
Дьүүллүүр сүбэҕэ ыҥырыллан үлэлээтилэр:
Петухова Вилена Ивановна- «1-вице мисс Якутия – 2003», «1-вице миссис Якутия – 2011», «Мисс Россия – 2003» кыттыылааҕа, оскуолабыт төрөппүтэ; Кондакова-Захарова Олеся Сергеевна — «Ленские Столбы» национальнай паркатын сүрүн специалиһа, «Мисс Республика Саха (Якутия)- 2011», « Мисс Россия -2012», «Мисс Модель Мира – 2016» кыттыылааҕа; Гоголев Антон — «Три кита» креативнай агенство төрүттээччитэ, бөдөҥ мероприятиелары тэрийээччи, юрист; Илларионов Александр- Булугас, мамонт студия салайааччыта, төрөппүт; Варламова Марина Николаевна – Дьокуускай 17 № орто оскуолатын дириэктэри солбуйааччыта.
Кыргыттар барыта түөрт түһүмэҕинэн күрэстэстилэр: “Талба талаан” видео-визитканы көрдөрүү, сахалыы таҥастаах дефиле, өй күрэҕэ — ыйытыыларга эппиэттээһин, мааны былааччыйанан хаамыы.
Бу тэрээһин саамай сүрүнэ диэн “Харысхал” аһымал пуонданы кытта доруобуйаларыгар хааччахтаах оҕолор эмтэнэллэригэр күүс-көмө буоларга анаммыта. Күрэхтэһиигэ кыраһыабай быһыыны-таһааны, кэрэ намчы көстүүнү, талыы-талба талааны кытта үтүө санаа тэҥҥэ холбосто. Бу тэрээһиҥҥэ элбэх спонсор көмөлөстө: «Вышка» , “Good Night Show”, Бренд “Sakha Omuk”, «Острог» свитшоттары уонна толстовкалары атыылыыр маҕаһыын, “Shopifly” оригинальнай техника маҕаһыына, «Forever Young» киэргэллэр уонна аксессуардар маҕаһыыннара, “Ахсым” –рекламнай-полиграфическай киин, “Денталпро” стоматология, “Wow Nails” креативнай маникюр студията, «Lashoholik» кэрэ студията, «Эластичность» йога студията, «10 Nails» маникюр студията уонна “IMS Tech” аныгы тиэхиньикэ маҕаһыына.
Ону таһынан, оҕолор, төрөппүттэр, учууталлар, үлэһиттэр үтүө санааларынан икки оҕоҕо күүс-көмө оҥоһулунна: 2018 сыллаахха төрөөбүт, Мэҥэ Хаҥалас улууһун Төхтүр нэһилиэгэр олорор Максимова Уйгулаанаҕа. Уйгулаана билигин Санкт-Петербург куоракка реабилитацияны ааһар. Кини оҕо церебральнай параличтаах, киин уонна периферическэй ньиэрбэ систиэмэтин сайдыытын уонна мэйии хаанын эргиирин кэһиллиитэ диагнозтаах. Уонна икки саастаах Петухов Савелийга, булкаас оҕо церебральнай паралич диагнозтаах, церебро-астеническай синдромнаах оҕоҕо. Кырачаан Савелий Алдан оройуонугар Аллараа Кураанах бөһүөлэгэр олорор. Бу саас Харбин куоракка эмтэнэ барыахтаах. Онон, барыта 134500 тыһ. суумалаах көмө ыытылынна.
Бу күүтүүлээх кэрэ биэчэри биллиилээх артыыстарбыт: Аман Анхаров, Катя ЧКРШ, Розалина уонна Ирена Файрушиналар, Снеж уонна Ваззо олуһун киэргэттилэр. Маны таһынан чаҕылхай номерынан бэйэбит оскуолабыт кырачаан 3 «в» кылааһын оҕолоро сахалыы муода көрдөрдүлэр (салайааччылар: Егорова А.И, Заровняева Л.С), “Уран” ансаамбыл (салайааччылар: Юлия Левощенко, Уйгуна Ивановна) кыргыттара үҥкүүлээн дайдылар.
Кэрэ кыргыттарбыт бары анал ааттары тутан үөрдүлэр-көттүлэр : Уран Куо, Эйэҕэс Куо, Мичилийэ Куо, Талба талаан, Сандаарыйа Куо, Сыдьаайа Куо, Чэмэлийэ Куо, Айыллаана Куо, Айар Куо. Түмүккэ, Кэрэ Куо үрдүк аатын 11 “Б” кылааһын үөрэнээччитэ Васильева Нарияна, бастакы вице-мисс аатын 9 “Б” кылааһын үөрэнээччитэ Сысолятина Сайаана, иккис вице-мисс аатын 10 “Б” кылааһын үөрэнээччитэ Оконешникова Элеонора ыллылар. Көрөөччүлэр олус астынан, дуоһуйан тарҕастылар. Тэрийээччилэргэ – оскуолабыт иитэр салаатыгар истиҥ махтал тылларын эттилэр.
Васильева Валерия 7 «В» кылааһын үөрэнээччитэ, “Сайдын” медиакиин юнкора, интервьюну ылла: Кусатова Валерия 5 “В” кылааһын үөрэнээччитэ, “Сайдын” медиакиин юнкора.