Тохсунньу 9-18 күннэригэр өрөспүүбүлүкэтээҕи лицей баазатыгар профильнай сменаҕа Кэбээйи орто оскуолатыттан 4 буолан үөрэннибит. Бу сменаҕа физика, математика, биология, химия, история предметтэригэр улуустааҕы өй-билии күрэҕэр миэстэлэспит оҕолор ыҥырыллыбыттара.
Горнай, Нам, Кэбээйи улуустарыттан уонна Дьокуускай куораттан уопсайа 20 оҕо буолан, үөрэннибит. 9 күн устата биһигини араас преподавателлэр физика, математика курдук уустук предметтэри дириҥэтэн үөрэттилэр. Быыһыгар психология уруогун дьарыктара, олимпиадалар буолбуттара, билиибитин тургутан көрбүттэрэ.
Оскуола программатыгар суох тиэмэлэри барбыппытын, араас үрдүк таһымнаах олимпиадаларга бэлэмнээбиттэрин сөбүлээтибит. Бу тургутук түмүгүнэн оҕолорго салгыы бу өрөспүүбүлүкэтээҕи лицейгэ киирэргэ кыах биэрэллэрин сэргии иһиттибит.
Мин санаабар бу оскуола оҕолорго олус көмөлөөх уонна инникитин үүнэн-сайдан, элбэх оҕолору эмиэ сайыннарыа диэн эрэнэбин.
Сайаана ТЕРЕХОВА, 8 кылаас үөрэнээччитэ,
«Дьоҕур» пресс-киин, Кэбээйи орто оскуолата.