Кулун тутар 6 күнүгэр ыытыллар кылаас чааһыгар туттуллар сахалыы тыллаах «Дьоһуннааҕы кэпсэтии» учууталга көмө матырыйааллар ахсыс таһаарыыта таҕыста. Уруок тиэмэтэ «Педагог уонна уһуйааччы сыла».
Кылаас чааһыгар туттуллар матырыйаалларга сахалартан аан маҥнайгынан РФ норуодунай учууталын аатын сүкпүт Виктор Филиппович Потапов, СӨ үтүөлээх учуутала, Үөһээ Бүлүү улууһун Дүллүкүтээҕи «Десантник» байыаннай-патриотическай кулууп төрүттээччитэ, салайааччыта Владимир Николаевич Николаев, саллаат ийэтэ Светлана Диодорова-Лаврентьева оҕолорго, ыччакка туһаайыылара киирдэ.
Көмө матырыйаалларга киирдилэр:
- уруок сценарийа
- презентация
- видеороликтар
- интерактив
«Дьоһуннааҕы кэпсэтии» уруогу ыытарга туһалаах матырыйааллары бу сигэнэн хачайдааҥ ылыҥ: https://keskil14.ru/do-unnaa-y-kepsetii/ (кулун тутар ыйы көрөҕүт).
keskil14.ru