«Эрчим» медиа-киин юнкордара кылаас салаайааччыларыттан сэтинньи 10 күнүнээҕи «Дьоһуннааҕы кэпсэтии» дьарык туһунан санааларын ыйыттыбыт.
Наталья Матвеевна Степанова, 9 кылаас салайааччыта:
«Дьоһуннааҕы кэпсэтии» дьарык бу нэдиэлэтээҕи тиэмэтэ — «Сир быйаҥнаах, киһи сатабыллаах». Кылааһым оҕолоруттан биэс үөрэнээччи сүрүн государственнай экcээмэҥҥэ биология предметин талан дьарыктана сылдьаллар, онон сөпкө түбэспит тиэмэ буолар.
Дьарык сүрүн өйдөбүллэрэ ис тутулу сиһилии арыйыыга сөптөөх уонна судургу, оҕо практическай уонна теоретическай билиитигэр тирэҕирэр учуутал бэсиэдэтэ тиэмэни арыйар.
Дьарык сүрүн чааһа Алдан лиссийиэн медиа-киинин оҕолоро устубут матырыйаалларыгар олоҕурбута олус үчүгэй. Матырыйаал олус хаачыстыбалаах устуулаах, кэпсиир оҕо тыла-өһө чуолкай, интэриэһинэй. Видео-матырыйаал түмүгүнэн учуутал оҕолору кытары таһаарар ыйытыктара тирэх буолаллар. Бэлэм сигэнэн түргэнник киирэн уруокка туттуллар матырырыйаал көмө буолар. Манна учуутал бэйэтэ кылаас олоҕуттан эбии көмө туттуон сөп. Дьарыгы оҕо сааһынан көрөн оҥорторо олус үчүгэй. Оҕо билиитигэр олоҕурар макет сөптөөхтүк, интэриэһинэйдик оҥоһуллубут. «Сир быйаҥнаах, киһи сатабыллаах», дьарыгы бэлэмнээбит хамаандаҕа махталбын тиэрдэбин.
Марина Сергеевна Перевалова, 2 кылаас салайааччыта:
Сэтинньи 10 күнүгэр буолбут “Дьоһуннааҕы кэпсэтии” дьарыкпыт олус интэриэһинэй буолла. Оҕолор Сахабыт сирин учуонай-селекционердарын тустарынан биллилэр. Ол курдук, саҥа тыллары, генетика уонна селекция диэн наукалары кытары билсистибит. Дьокууйскай куоракка ЯНИИСХ диэн институт Саха сирин климатыгар сөптөөх уунээйилэри үүннэрэрин туһунан олус интэриэһиргээн иһиттилэр. “Саюри” хампаанньа үүнээйини, тропическай фрукталары эксперименнээн олордоллорун туһунан оҕолор сонурҕаан көрдулэр. Түмүккэ “үүнээйилэргэ сирэйи уруһуйдааҥ” диэн оҕолорго сорудах бэрилиннэ. Оҕолор бу сорудаҕы үөрэ-көтө толордулар. Кылаас чааһыттан астыннылар, олус интэриэһиргээтилэр.
.
Матырыйаалы бэлэмнээтилэр Айыына Петрова, Александра Иванова, Дүллүкү, Үөһээ Бүлүү