Саха сиринээҕи 1979 с. күһүн элбэх дьиктилэрдээҕинэн үгүс дьону сөхтөрбүтэ, соһуппута. Атырдьах ыйын 25-26 күнүн түүнүгэр, түүн 1 чаас 30 мүнүүтэҕэ дьүкээбил уота кыһыҥҥылыы умайбыта.
Шахтёрдар Сангар диэн бөһүөлэктэрин үрдүнэн Саха сиригэр күһүн бэрт сэдэхтик буолар этиҥнээх ардах түспүтэ. Ол онтон шаровой чаҕылҕан чаҕылыйбыта.
Уоттаах «мөһөөччүк» чаҕылҕан түннүк аһаҕас бордуоһунатынан остолобуой кондитерскай сыаҕар көтөн түспүтэ. Оһох аттыгар турар дьахтары көрүдүөргэ үтэн таһаарбыта, хос иһигэр эргийэ көтө сылдьыбыта уонна таһырдьа ыстаммыта. Дьэ онно тута таһырдьа улахан дэлби ыстанар тыас иһиллибитэ.
Ф.П. Ефимов Дьиктилэр. Дьиибэлэр. Дьээбэлэр. – Дьокуускай, 1981.
Анюта Андреева-Күндүүнэ бэлэмнээтэ.