Нэһилиэкпитигэр Россияҕа Дьиэ кэргэн сылын түмүктүүр тэрээһин буолан ааста.
Киирии чааһыгар үтүө мааны дьоммут Прасковья Николаевна, Павел Прокопьевич Николаевтар ааттарынан Ил уонна Эйэ муостатыгар түмүстүбүт. Ветеран учуутал Анатолий Алексеевич Михайлов алгыстаан аал уотун оттон арыылаах алаадьынан айах тутан күндүлээтэ. Уонна бары култуура дьиэтигэр диэри парадтаан бардыбыт.
Бу күн бииргэ олорбуттара төгүрүк сылларын бэлиэтиир дьиэ кэргэттэри чиэстээтилэр:
10 сыл бииргэ олорбут
Николай, Ирина Ноговицыннар,
Дмитрий, Ирина Пестеревтар;
15 сыл бииргэ олорбут Сардана, Иван Николаевтар, Алексей, Елена Захаровтар;
20 сыл бииргэ олорбут Прокопий, Мария Бубякиннар, Гаврил, Алена Захаровтар.
Софрон, Варвара Костантиновтар,
Назар, Татьяна Васильевтар; 25 сыл бииргэ олорбут Александр, Светлана Петровтар; Ким, Валентина Григорьевтар.
30 сыл бииргэ олорбут Илья, Айталина Кириллиннар, Андрей, Софья Афанасьевтар; Валерий, Татьяна Неустроевтар, Илья, Анна Пестеревтар;
40 сыл бииргэ олорбут Любовь Николаевна, Егор Егорович Фёдоровтар; 50 сыл бииргэ олорбут Иосиф Васильевич, Людмила Ивановна Петровтар.
«2024 сыл бастыҥ ыалын төрдүн-ууһун саҕалааччы» үрдүк ааты Герой-Ийэлэргэ
Татьяна Никифоровна Новиковаҕа, Туяра Петровна Устиноваҕа туттардылар.
«Чөл олоҕу, спорду көҕүлээччи» аат элбэх оҕолоох көхтөөх дьиэ кэргэҥҥэ Ульяна Фёдоровна, Александр Александрович Ларионовтарга ананна.
«Бастыҥ ыал» бириэмийэ Софья Сергеевна, Андрей Николаевич Афанасьевтарга,
«Удьуор үлэһит ыал» үлэни өрө тутар, элбэх оҕолоох дьиэ кэргэҥҥэ Матрена Николаевна, Авдей Данилович Тимофеевтарга,
«Тыа хаһаайыстыбатынан утумнаахтык дьарыктанар ыал» Анна Николаевна, Геннадий Гаврильевич Устиновтарга,
«Оҕо иитиитигэр үтүө үгэстээх дьиэ кэргэн» номинация Маргарита Гаврильевна, Николай Васильевич Уваровтарга, «Амарах санаалаах дьиэ кэргэн» Наталья Николаевна, Владимир Петрович Константиновтарга,
«Патриотическай өйдөөх-санаалаах дьиэ кэргэн» Аграфена Константиновна, Павел Павлович Николаевтарга,
«Сайдам санаалаах дьиэ кэргэн» Ольга Саввична, Анатолий Алексеевич Михайловтарга туттарылынна.
Түгэнинэн туһанан, Елена Захаровна Новикова Ураһалаахха төрүттэрэ ыаллыы олорбут Татьяна Никифоровна Новиковаҕа, Туяра Петровна Устиноваҕа эҕэрдэ тылларын, сэмэй бэлэҕин туттарда.
2024 сыл түмүгүнэн бастыҥ үлэһит дьону чиэстээтилэр: нэһилиэк дьаһалтатын социальнай үлэһитэ Татьяна Григорьевна Дмитриева, Эмис орто оскуолатын үлэһитэ Светлана Васильевна Куприянова,
«Чуораанчык» оҕо саадын спорт инструктора Нонна Николаевна Ноговицына, ОДьКХ үлэһитэ Владимир Владимирович Прохоров, култуура киинин үлэһитэ Игорь Иванович Болтунов, участковай балыаһаттан Мотрёна Гаврильевна Устинова, тыа хаһаайыстыбатын үлэһитэ Дмитрий Васильевич Пестерев.
«Сыл бастыҥ общественнига» ааты Роберт Григорьевич Григорьев,
«Бастыҥ урбаанньыт» тутааччыта Евгений Евгеньевич Ноговицын, «Сыл бастыҥ патриота» Михаил Петрович Дмитриев, «Сыл бастыҥ механизатора» Алексей Спиридонович Соловьев, «Сыл бастыҥ спортсмена» Альберт Спиридонович Соловьёв, «Бастыҥ студент» Игорь Захаров, «Атыы-эргиэн саҥа саҕалааччыта» Варвара Петровна Дмитриева, «Сыл бастыҥ үлэһитэ» Александр Александрович Ларионов.
Дьиэ кэргэн сылын түмүктээри туран кыһыл көмүс сыбаайбаларын бэлиэтээбит Людмила Ивановна, Иосиф Васильевич Петровтары чиэстээтилэр.
Бу тэрээһиҥҥэ «Сыл бастыҥ сырдатааччыта» анал ааты туттарбыттарыттан олуһун үөрдүм.
Дьиэ кэргэн сыла биһиги нэһилиэкпитигэр «Большие танцы» үҥкүү күрэҕинэн түмүктэннэ.
Эрчим НИКОЛАЕВ, lX кылаас, В.М.Новиков-Күннүк Уурастыырап аатынан Эмис орто оскуолата, Амма