Бу күннэргэ «Кэскил» оҕо бэчээтин кыһата Дьокуускай куоракка олорор элбэх оҕолоох Александр Иванович уонна Оксана Алексеевна Павловтар дьиэ кэргэттэригэр ыалдьыттаата. Павловтар — приемнай дьиэ кэргэн. Билигин кинилэр 6-тан 18-гар диэри 10 иитэр оҕолоохтор, 8 үөрэхтээх, устудьуон, үлэһит оҕолордоохтор. Онтон бэйэлэрин түөрт төрөппүт оҕолоро номнуо үлэлээх-хамнастаах улахан дьон, туспа ыаллар. Кинилэр 22 оҕо ийэлээх аҕата, 8 сиэн эбэлээх эһэтэ.
Аан бастаан оҕону ииттэ 2003 сыллаахха, ыал ийэтэ Оксана Алексеевна баҕа санаатынан, ылбыттара. Ол онтон 20 сыл ааста. Бу оҕолор номнуо билигин үөрэхтээх, үлэһит дьон.
Павловтар бииргэ төрөөбүттэри араарбат сыалтан, биир дьиэ кэргэн оҕолорун барыларын түмэн иитэ ылаллар. Холобур, биир тэрилтэҕэ биэс бииргэ төрөөбүттэри бииргэ туппаттар. Онтон билигин Павловтарга биэс бииргэ төрөөбүттэр, 3-түү балыстыы-убай, икки убайдыы-быраат бааллар. Оҕолор бары сахалыы эйгэҕэ улааталлар, сахалыы саҥара үөрэнэллэр, саха култууратын, үгэһин, сиэрин-туомун иҥэринэллэр.
Павловтардыын көрсүһүүбүт хайдах ааспытын биһиги видеобытыгар көрүҥ:
keskil14.ru