Бу нэдиэлэҕэ Аан дойдутааҕы кыыс, Россиятааҕы аҕа, Өрѳспүүбүлүкэтээҕи ийэ күннэринэн оскуолабытыгар араас тэрээhиннэр ыытылыннылар.
Кыргыттарга аналлаах кылаас чаастара, кэпсэтиилэр буоллулар. Аҕалар күннэринэн алын кылаас оҕолоро «Мин аҕам барытын сатыыр» диэн тиэмэнэн видеоролик, Ийэ күнүнэн уруhуй, ѳйтѳн суруйуу куонкурустарыгар кытыннылар.
Алтынньы 14 күнүгэр V-IX кылаастарга «Аҕа, ийэ уонна кыыс» диэн спортивнай күрэххэ үс дьиэ кэргэн кыттыыны ыллылар. Хамаандалар араас кѳрдѳѳх кѳрүҥнэргэ сыал ытна, канаат тардыhан, ыстанан, сүүрэн, толкуйга сорудахтарга куоталастылар.
Түмүккэ Айыллаана Алексеева (V кылаас) дьиэ кэргэнэ кыайыыны ситистилэр. Иккис миэстэни Эмма Константинова (VI кылаас) дьиэ кэргэнэ, үһүс миэстэни Мичийээнэ Данилова (VIII кылаас) дьиэ кэргэнэ ыллылар. Тэрээһиҥҥэ кыттыбыт дьиэ кэргэттэргэ махтанан туран, дьоллоох олоҕу баҕарабыт.
Эвелина Николаева, Сандаара Борисова, VI кылаас,
«Кѳмүс бѳрүѳ» пресс –киин.
Баппаҕаайы оскуолата, Бүлүү.