Убайым Михаил Рожин Эһэ Хайата диэн сиргэ тахса сылдьан, дьабарааскы быраҕыллыбыт хороонун булан, видеоҕа устубутун көрбүппүт. Сорох оҕолор дьабарааскы хороонугар туох баарын билбэттэр эбит.
Дьабарааскы хороонун сир анныгар миэтэрэ курдук дириҥҥэ хастан оҥостор эбит. Хороонун иһэ төгүрүк быһыылаах. Иһирдьэ куобах түүтүн мунньан тэлгэппит. Өссө ампаар курдугу уйатын иһигэр хаспыт. Онно от-мас силиһин, арааһы таспыт. Ити курдук, биһиги дьабарааскы дьиэтин оҥостор, хасааһын бэлэмнэнэр эбит диэн биллибит.
Глория ДРУГИНА, V кылаас үөрэнээччитэ,
Боронук, Үөһээ Дьааҥы.