Быйыл Сунтаар улууһун II Дьаархан нэһилиэгэр үс бүк үбүлүөйдээх ыһыах олус бэркэ буолан ааста.
Ол курдук, Дьаархан төрүттэммитэ 255 сылынан ыһыах аһыллыыта Дьаархаммытыгар төрүччү сыла буоларынан уустарынан сэлэлээн хаамыыннан саҕаланна.Ол кэннэ Сунтаарбыт улууһугар номох уонна сайдыы сылын чэрчитинэн, Дьаархаммыт нэһилиэгэ төрүттэммитин туһунан номоҕу көрдөрдүлэр. Мин олус сэҥээрэн уонна харахпар дойдум үөскээһинин бу баардыы оҥорон көрбүппүттэн астынным. Хас биирдии көрөөччүнү саҥыйахтаах алаадьыннан, үтэһэлээх этинэн уонна быырпаҕынан күндүлээтилэр.
«Одун» үҥкүү бөлөҕүн 20 сыллаах үбүлүөйүнэн анаан үҥкүү, ырыа арааһын көрдүбүт уонна иһиттибит.Билии ылар, үөрэнэр, күндү оскуолабыт 90 сыллаах үбүлүөйүнэн араас спортивнай күрэхтэр ыытылыннылар.Саамай сэҥээрэн «Сүүтүк Боотур» күрэҕин элбэх киһи тоҕуоруһа мустан көрдүлэр. Онтон мин ийэбиниин уонна аҕабыныын дьиэ кэргэнинэн төрүт ох саанан ытыы күрэҕэр ситиһиилээхтик кыттан III миэстэни ылан үөрүүм өссө үксээтэ.
Киэһэ «Кэрэ Куо-2026» күрэх бэрт үрдүк таһымҥа буолан ааста. Дьаархаммыт үс бүк уйгулаах ыһыаҕа бэрт тэрээһиннээхтик ааспытыттан олус диэн үөрдүм.Уйгу быйаҥ ыһыаҕынан сахам сирин дьонугар итии истиҥ эҕэрдэ!
Аделина Гольдерова, VI кылаас, Дьаархан, Сунтаар