Бу күннэргэ Дүллүкү орто оскуолатыгар ураты сонун күн буолла. «Үөһээ Бүлүү» МТ баһылыга В.С. Поскачин уонна улуустааҕы үөрэх салаатын начальнига С.О. Борбуев туруорсууларынан, оскуолабытыгар саҥа автобус кэллэ.
Оҕолор, учууталлар үөрэ-көтө саҥа автобуһу көрүстүбүт. Суоппарбыт Спиридон Николаевич үөрэнээччилэри ыҥыран дэриэбинэбит устун хатааһылаатыбыт. Инникитин араас олимпиадаларга, күрэхтэһиилэргэ, НПК-ларга, куонкурустарга барар саҥа улахан, киэҥ-куоҥ транспорданан олус астынныбыт. Үлэҕэ-үөрэххэ көхтөөхтүк кыттарга бэлэммит.
Суруйда Илона Руфова, 9 кыл.
Репортаж оҥордо Алина Санникова, 8 кыл..
Уһулла Айыына Петрова, 6 кыл. «Эрчим» пост, Дүллүкү, Үөһээ Бүлүү.