Атырдьах ыйын 14 күнүгэр Дүллүкү нэһилиэгэр оҕо оонньуур, дьарыктанар былаһааккатын арыйар үөрүүлээх түгэнэ буолла.
Дэриэбинэбит илин уонна арҕаа түөлбэтигэр аныгылыы тупсаҕай оҥоһуулаах икки былаһаакка үлэҕэ киирэн, оҕо аймах үөрүүтүн үксэттэ.
Нэһилиэк баһылыгын солбуйааччы Владимир Владимирович Софронов эҕэрдэтин, баҕа санаатын эттэ:
Былаһааккалар олохтоох көҕүлээһиннэри өйүүр бырагыраама (ППМИ) чэрчитинэн, нэһилиэнньэ куоластааһынынан, олохтоохтор көхтөөхтүк киллэрбит үптэринэн уонна бюджет харчытынан ылыллан туруорулуннулар. Былаһааккалар
оҕо оонньууругар сөптөөх ирдэбилинэн оҥоһуллубуттар. 1 — 13 сааһыгар диэри оҕоҕо аналлаахтар.
Төрөппүттэргэ оҕо оонньуур кэмигэр көрө-истэ сылдьалларыгар, кэтэһэргэ аналлаах ыскамыайкалар бааллар. Оҕолорго оонньуур сири ыраастык тутан, харыстабыллаахтык сыһыаннаһан сылдьалларыгар уонна дьоллоох оҕо сааһы баҕарабын
Оҕолор сыыртан сырылаан, хачыаллаан, турникка хатаастан, сонун тутууну сэргии, сөҕө, махтана көрдүлэр-иһиттилэр.
Саҥа былаһааккалар оҕо аймах чэгиэн-чэбдик, доруобай, түмсүүлээх буоларыгар төһүү, тирэх буолуохтара.
Алина Санникова,
X кылаас,
Дүллүкү, Үөһээ Бүлүү, «Эрчим» медиакиин