Олунньу 11 күнүгэр Таатта улууһун Чымынаайы нэһилиэгэр Өрөспүүбүлүкэ ситэрилээх былааһа ааспыт 2025 сыл түмүгүн отчуоттаан барда. Бөлөҕү Үп миниистирин солбуйааччыта Николай Прокопьевич Старостин салайан кэллэ.
Бу мунньахха нэһилиэк олохтоохторо саҥа асфальт суолу, өртөөһүнү тэрийии, үүт сыаната үрдээһининин, саҥа оскуола, фельдшерскэй-акушерскай пуун саҥа дьиэтин тутуутун, ыраах олорор ыалларга, анал байыаннай дьайыы кыттыылаахтарыгар уонна кинилэр дьиэ кэргэттэригэр, элбэх оҕолоох ыалларга ититэр ситимҥэ холбонорго туһааннаах көмө туһунан, тыа хаһаайыстыбатыгар сыһыаннаах ыйытыылары биэрдилэр, санааларын эттилэр.
Ыйытыыларга хоруй ылан, нэһилиэк олохтоохторо Саха Өрөспүүбүлүкэтин Бырабыыталыстыбатын үлэтин сөптөөҕүнэн сыаналаатылар.
Сандаара Толстякова, VII кылаас,
Б.Д. Бястинов-Бэс Дьарааһын аатынан Чымынаайы орто оскуолата,
Таатта улууһа.
keskil14.ru