Мэҥэ Хаҥалас улууһун Чыамайыкым нэһилиэгин 10 оҕолоох герой ийэтигэр, Захарова Софья Петровнаҕа бара сылдьан интервью ыллым.
Захарова Софья Петровна, 1937 сыллаахха от ыйын 12 күнүгэр Пётр Николаевич, Мария Егоровна Куприяновтар дьиэ кэргэттэригэр төрөөбүт. Бииргэ төрөөбүттэр тохсуолар эбит. Оҕо сааһа сэрии сылларыгар түбэһэн кыайан үөрэммэтэх. Кыра эрдэҕиттэн ийэтин, эдьиийдэрин кытта сүөһү көрүүтүгэр, субан сүөһү көрөөччүнэн, ыанньыксытынан өр сыл үлэлээбитэ. Кэлин олохтоох оскуолаҕа техническэй үлэһитинэн үлэлээбит, остуорастаабыт. 1975 сыллаахха «Герой-ийэ» аата иҥэриллибитэ.
Кэргэнэ Афанасий Николаевич Захаров Чыамайыкы нэһилиэгин уонна Мэҥэ Хаҥалас улууһун Бочуоттаах олохтооҕо, тыа хаһаайыстыбатын үтүөлээх үлэһитэ.
1956 сыллаахха ыал буолан, 50 сыл бииргэ олорон, 2006 сыллаахха «Ытык ыал» аатын ылбыттара.
Чыамайыкы нэһилиэгэр өр сылларга салайар үлэҕэ сылдьыбыт, общественнай үлэҕэ дьаныһан туран кыттыбыт Захаров А.Н. үтүө аатын үйэтитэн кэргэнэ Софья Петровна, оҕолоро «Лучший общественник» анал ааты оскуола бастыҥ общественник үөрэнээччитигэр 10000 солкуобай сууммалаах стипендияны 2009 сылтан сыл аайы туттараллара үтүө үгэскэ кубулуйбута.
Софья Петровна 86 саастаах. Элбэх сиэн, хос сиэн тапталлаах эбээтэ. Чыамайыкы нэһилиэгин бочуоттаах олохтооҕо.
Ангелена Федорова, VIII кылаас,
«Проба пера» эдэр кэрэспэдьиэнэ, Чыамайыкы, Мэҥэ Хаҥалас