Муус устар 6 күнүгэр биһиги оскуолабыт 8 уонна 10 кыласс уолаттара, сыл ахсын буолар куйуурга баран кэллибит.
Уолаттары илдьэ бардылар биһиги оскуолабыт эр дьон учууталлара. Сорох уолаттар куйуурга маҥнайгы сүрэхтэниилэрэ буолла. Саха эр киһитэ буолан уолаттар уонна учууталлар айылҕаны кытта алтыһалларын сөбүлүүллэр.
Күммүт да туран биэрдэ. Куйуур кэннэ ким туох өйүө илдьэ кэлбитинэн эбиэттээн баран күрэхтэһиилэр буоллулар. Хонуу хаарга тустааһын уонна хонуу хаарынан сүүрүү курдук көрүҥнэргэ күрэхтэстибит.
Куйуурга сылдьыбыт уолаттар, учууталлар бары астынан, дуоһуйан кэллибит. Маннык тэрээһиннэри оскуолабыт үлэһиттэрэ олус үчүгэйдик тэрийэн ыыталлар, төрөппүттэр да, оҕолор да онтон үөрэбит. Эмиэ биир умнуллубат күн ааста.
Айтал Захаров, 10-с гуманитарнай кылаас үөрэнээччитэ