Чурапчы улууһун Одьулуун орто оскуолатын 8 кылааһын үөрэнээччитэ Айастаан Аржаков Арассыыйаҕа мас тардыһыытыгар биирдиилээн бастыыр иһин күрэхтэһиигэ 1 миэстэни ылары ситистэ уонна кыһыл көмүс мэтээлинэн наҕараадаланна.
Эдэр кыргыттарга уонна уолаттарга мас тардыһыытыгар Арассыыйа первенствота Свердловскай уобаласка Екатеринбург куоракка алтынньы 15-17 күннэригэр ыытылынна.
Биһиги кэскиллээх мадьыныбытын Айастаан Аржакову, кини тренерин Егор Савельевиһы уонна төрөппүттэрин эҕэрдэлиибит уонна инникитин өссө үрдүк дабайыылары баҕарабыт!
Маладьыас!