Бу күннэргэ Подмосковье Калининец бөһүөлэгэр «Алабино» диэн байыаннай полигоҥҥа Бүтүн Арассыйатааҕы «Кыайыы» байыаннай-спортивнай оонньуу түмүктүүр түһүмэҕэ балаҕан ыйын 30 күнүттэн алтынньы 3 күнүгэр диэри ыытыллар. Манна Саха сирин аатыттан Чурапчы улууһун эдэр армеецтара кыттыыны ыла сылдьаллар.
Быйыл кулун тутар ыйга өрөспүүбүлүкэ оскуолаларын хамаандаларын иһигэр ыытыллар «Снежный барс» байыаннай-спортивнай оонньуу түмүгэ тахсыбыта. Манна дьүүллүүр сүбэ хамыыһыйатын түмүгүнэн С.А. Новгородов аатынан Чурапчы орто оскуолатын «Беркут» хамаандата кыайыылааҕынан ааттаммыта. Хамаанда салайааччыта — Дмитрий Петрович Соловьев.
Билигин Чурапчы эдэр армеецтара Сахабыт сирин көмүскүү 4 күннээх тыҥааһыннаах байыаннай-спортивнай оонньууларга кытта сылдьаллар. Барыта дойду үрдүнэн 72 бастыҥ эдэр армеецтар хамаандалара кыттыыны ылар.
«Кыайыы» байыаннай-спортивнай оонньуу бары билэр «Зарница» оонньуубут үгэстэрин салгыыр эдэр көлүөнэни дойду патриота буола иитэр, эт-хаан уонна өй-санаа өттүнэн сайыннарар сыаллаах ыытыллар. Онон ким сымсатын, күүстээҕин, бэлэмнээҕин бу күрэх быһаарыа!
Уолаттарбытыгар, мохсоҕоллорбутугар ситиһиилэри эрэ баҕарабыт!
Суруйда Анна СЛЕПЦОВА.