Бүгүн, ахсынньы 23 күнүгэр, Чурапчы улууһун 26 бастыҥ үөрэнээччитэ Ил Дархан Харыйатын бырагырааматын чэрчитинэн 15-с төгүлүн ыытыллар «Мы будущее России» оҕо гражданскай форумугар кытыннылар. Ол туһунан улуустааҕы үөрэх салалтата иһитиннэрэр.
Форум сүнньүнэн Арассыыйатааҕы оҕо уонна ыччат хамсааһынын түөрт хайысхатынан оҕолор бырайыактарга үлэлээтилэр. Онтон пленарнай чааска куоластааһын нөҥүө 140 оҕоттон икки делегаты талыы буолла. Ол түмүгүнэн С.К. Макаров аатынан Чурапчы гимназиятын 11 кылааһын үөрэнээччитэ Георгий Гоголев бастыҥнар кэккэлэригэр талыллан, пленарнай чааска секция үлэтин сүнньүн чиэстээхтик көмүскээтэ.
Маны таһынан, Болот Боотур аатынан Хатылы орто оскуолатын 11 кылааһын үөрэнээччитэ Кэнчээри Николаев форум пленарнай чааһын Дьокуускай куорат 27-с оскуолатын дириэктэри иитэр үлэҕэ сүбэһитин Елизавета Сергеевна Бабаевалыын иилээн-саҕалаан ыыттылар.
Уолаттарбытынан киэн туттабыт, инникитин да ситиһиилэри баҕарабыт.
keskil14.ru