Тэйиччиттэн олорон үөрэнии кэмигэр Таатта улууһун Игидэй орто оскуолатын оҕолоро төрөппүттэрин кытта кылгас видеоуроликтары үтүктүһэ-үтүктүһэ устан YouTube канаалга угаллар. Оҕолор саҥа үөрүйэхтэри баһылыыллар, устарга, монтажтыырга үөрэнэллэр уонна үлэлэрин түмүгүн тута көрөллөрүттэн олус астыналлар. Бу сэргэх уонна туһалаах хамсааһыны «Чуораанчыктыын доҕордос, Кэскиллиин кэккэлэс» бырайыак ааптара Варвара Ефимова саҕалаата.
Игирэ кыргыттар Захарова Сайыына уонна Айыына — Игидэй орто оскуолатын 3-с кылааһын үөрэнээччилэрэ. Бырааттара Захаров Георгий «Теремок» уһуйаан иитиллээччитэ. Оҕолор ийэлэрин Любовь Николаевнаны кытта тэйиччиттэн олорон үөрэнии кэмигэр видеосюжет уһуллулар.
3-с кылаас үөрэнээччитэ Маркова Лиана ийэтин Татьяна Эдуардовнаны кытта балыктааһын туһунан видеосюжет оҥордулар. Маннык дьарык оҕону сэргэхситэр уонна саҥа үөрүйэхтэри баһылыырыгар олук уурар. Дэбдиргэҕэ оҕолор төрөппүттэрин кытта видеоролик оҥороллоро үгэскэ кубулуйан эрэр.
Бэйэ инф.