2021 саҥа үүммүт сылга Арассыыйаҕа Наука уонна Технология сылынан биллэриллибитэ. Дойдубут сайдарын туһугар бу сыл элбэх тэтимнээх үлэ олоххо киириэхтээх, наукаҕа сыһыаннаах саҥа арыйыылар күүтүллэллэр. Онно тирэҕирэн, биһиги “Чуораанчык” сурунаалбытыгар “Чинчийэн бил” диэн кыра, орто саастаах оҕолорго туһуланар ааптарскай өрөспүүбүлүкэтээҕи онлайн күрэх ыытылла турар. Күрэх ааптара Саха Өрөспүүбүлүкэтин Үүнэр көлүөнэлэр технологияларын институтун, эбии үөрэхтээһиҥҥэ педагога, Василена Шарина буолар. Василена бэйэтэ икки оҕолоох ыал ийэтэ. Куруук “Чуораанчык” сурунаалбытын сурутар, ыытар күрэхтэрбитигэр оҕолорунаан көтүппэккэ кытталлар. Ол иһин, кини наука эйгэтин биһириир буолан күрэхтэ тэрийиэххэ диэбитигэр тута ылынныбыт.
Күрэхпитигэр билиҥҥи туругунан икки нэдиэлэ иһигэр сүрдээх элбэх, араас хабааннаах үлэ киирдэ. Оҕолор олус турунан уопут, араас эксперимиэннэри видеоҕа, хаартыскаҕа түһэрэн ыыттылар. Биһигини ол олус үөртэ, сөхтөрдө! Оҕо науканы интэриэһиргиир, холонон көрүөн баҕарар дьоҕура күүстээх эбит диэн бигэргэттэ.
«Норуот күүһэ — көмүөл күүһэ»
Күрэхпит сүрүн спонсора Аан дойдуга аатырар “Шоу профессора Николя” Николай Христофорович Горохов @nikshow_ykt . Оҕолорго наукаҕа сыһыаннаах араас уопуттары шоу оҥорон көрдөрөр, уруоктары, тэрээһиннэри тэрийэр. Саха сиригэр ахсыс сылын үрдүк таһымнаахтык үлэлэтэ сылдьар. Кини саамай сөбүлүү көрбүт кыттааччытыгар анал бэлэҕин туттарыаҕа.
Маны таһынан, анал ааттары иҥэриигэ көмө-тирэх буолар спонсордарбыт:
- Наталья Романова @nata.sveya
- Изабелла Павлова @crystalmoda_ykt
- Мария Степанова @mariestepanova
- Мария Шиванэ @shivane_mask
- Петр Табунанов @petrtabunanov
- Галина Черноградская @galina.ykt.ru
- @photolifeykt
- @artalgys
«Норуот күүһэ — көмүөл күүһэ» дииллэринии оҕо үүнэр-сайдар, саҥаны билэр-көрөр дьоҕурун сайыннарыан баҕалаах, үтүө санаалаах бар дьоммут күрэхпитигэр спонсордаабыттарыгар махталбыт муҥура суох.
Бөлөҕүнэн 1,2,3 миэстэлэр, анал ааттар уонна муҥутуур кыайыылааҕы онлайн-күрэх анал кубога күүтэр. Бары кыттыылаахтарга электроннай туоһу сурук бэриллиэҕэ.
Күндү оҕолор, үлэлэргитин олунньу 28 күнүгэр диэри Whatsapp 89142790160 күүтэбит. Кулун тутар ыйга дьүүллүүр сүбэ түмүгү таһаарыаҕа.
Кытаатын! Кыттын! Кыайын!
Нюргуяна Захарова