Оҕо бэйэтин доруобуйатыгар тус эппиэтинэһи сүгэрин билэ, «мин доруобуйам – мин бэйэм илиибэр баар» диэн өйдүү улаатыахтаах.
Уоттан, гаастан сэрэхтээх буол!
Гаас олус кутталлаах. Эстиэн сөп. Ол иһин төрөппүттэрин дьиэҕэ суох буоллахтарына сэрэхтээх буолар ордук. Оһоҕу холбоомо. Кырачааннар тыыппатыннар диэн көрө сырыт. Испиискэнэн, зажигалканан оонньоомо! Уот күөдьүйүөн сөп.
Төлөпүөн ииттэрэр боруобатын төлөпүөҥҥүн ииттэрэр эрэ буоллаххына холбоо. Холбонон сыттаҕына сылыйан умайыан сөп. Туһаммат тэриллэри розеткаттан араарар ордук. Лаампа уотун эмиэ сырдыкка холбоомо. Лаампа сырдыкка холбонон турара сэрэхтээх.
Суолу туоруургар болҕомтолоох буол!
Суолу туоруургар светофорга күөх уот умайдаҕына эрэ суолу туоруугун. Анал бэлиэ (пешеход) баар эрэ сиринэн суолу туоруур буол. Маны тутуспатахха алдьархай буолуон сөп.