Балаҕан ыйын 20 күнүгэр Таатта улууһун Ытык-Күөл сэлиэнньэтигэр сылын ахсын ыытыллар «Кросс нации» буолан ааста.
Барыта 500 киһи кытынна, “Сатабыл” оҕо айымньытын дьиэтин педагогтара көхтөөх кыттыыны ыллылар. Кросс ыытыллыытын сырдатыы үлэтин «Сатабыл» учууталлара оҥордулар, ол курдук хаартыскаҕа түһэриигэ Эльвира Магомедзагировна Дедюкина, Роберт Робертович Федоров, Нарыйаана Владимировна Васильева, Антонина Степановна Огочонова, Людмила Прокопьевна Павлова сырыттылар. Видеоролигы Николай Никонович Гоголев оҥордо.
Онтон балаҕан ыйын 22 күнүгэр Саха АССР тэриллибитэ 100 сылыгар анаммыт «Кавалерия столетия» ыччат велопробега тэриллибитигэр «Сатабыл» эдэр педагогтара хамаанданан кытыннылар.
Мин «Сатабыл» учууталларынан киэн туттабын, кинилэр тэрилтэ аатын ааттаталлар, чөл олоҕу өрө туталлар, доруобай сылдьарга кыһаналлар!
Влад ПОРТНЯГИН, “Сатабыл” медиа-устуудьуйа кэрэспэдьиэнэ.
Таатта, Ытык-Күөл.