Кэбээйи улууһун Ньидьили орто оскуолатын спортивнай секциятын иитиллээччилэриттэн быйыл 2024 сылга ыытыллар “Азия оҕолоро” норуоттар икки ардыларынааҕы спортивнай оонньууларга кыттар оҕолор тиһигин быспакка бэлэмнэнэ, долгуйа сылдьаллар. Олортон биирдэстэрэ — Ньургууна Ноговицына. Бүгүн биһиги Ньургууналыын кэпсэттибит.
— Ньургууна, дорообо. Бэйэҥ тускунан уонна ханнык көрүҥҥэ кыттаары сылдьаргын кэпсиэҥ дуо?
— Мин Ньидьили орто оскуолатыгар 6-с кылааска үөрэнэбин. Муус устар ыйга сүүмэрдээһини ааһаммын, көҥүл тустууга кыттар чиэскэ тигистим. Тренерим Афанасий Афанасьевич Атласов.
— Бу көрүҥүнэн хаһааҥҥыттан дьарыктанаҕыный?
— Мин көҥүл тустуунан былырыыҥҥыттан эрэ күүскэ дьарыктанан саҕалаабытым. Улахан ситиһиибинэн быйыл бэйэм нэһилиэкпэр ыытыллыбыт улуустааҕы турнирга уонна Уус-Алдан улууһугар буолбут Афанасий Заболоцкай аатынан рсепубликатааҕы турнирга иккис бочуоттаах миэстэҕэ тиксибитим буолар. Билигин Бурятияҕа международнай турнирга Саха сирин хамаандатыгар киирэн, кытта сылдьабын.
— Спорка туох кистэлэҥнээххиний? Биллэр спортсменнартан кими холобур оҥостоҕун?
— Спорка бэлэмнэнэр туох да улахан кистэлэҥим суох. Сүрүнэ диэн көтүппэккэ дьарык, тулуур уонна дьулуур наада дии саныыбын. Холобур быһыытынан Лев Павловы сэҥээрэбин.
— Бэйэҥ саастыылаахтаргар тугу баҕарыаҥ этэй
— Оҕолорго спордунан дьарыктаныҥ, чөл олоҕу тутуһуҥ, үөрэххитигэр кыһаллыҥ уонна дойдугут аатын ааттата туруҥ!
— Ньургууна, эппиэтиҥ иһин махтал уонна бу сайыҥҥы улахан күрэхтэһиигэр “Азия оҕолоругар” ситиһиини баҕарабын.
Дуолан Павлов, 7 кылаас
«Дьоҕур» медиакиин, Кэбээйи орто оскуолата