Улуу Кыайыы үбүлүөйүн көрсө биһиги ахтан-санаан ааһабыт Улуу Кыайыыны уһансыбыт саллаатары, тыылга дьоруойдуу үлэлээбит дьоммутун, сэрии кэмин оҕолорун!
Сэрии алдьархайа хас биирдии ыалы таарыйбыта. Ол курдук, фашисткай Германияттан көмүскүүр Улуу сэриигэ баран кыттыбыттара, Кыайыыны уһансыбыттара, эйэлээх олох иһин сэрии толоонугар охтубуттара. Кинилэр ааттарын умнубакка ахтарбыт, кэлэр көлүөнэттэн көлүөнэҕэ кэпсиирбит биһиги ытык иэспит.
Бу сэрии 4 сыл эбэтэр 1418 күн устата буолбута. Сэриигэ 62 государство, 110 мөлүйүөн киһи кыттыбыт, ол иһиттэн 50 мөлүйүөн киһи өлбүтэ. Саамай улаханнык Советскай союз сүтүктэммитэ, 26 мөлүйүөн киһи суох буолбута. 1710 куорат уонна куораттыы тутуулаах дэриэбинэлэр, 70 тыһыынча дэриэбинэ уонна нэһилиэк урусхалламмыттара. Москва, Ленинград, Минск, Сталинград, Одесса, Киев, уо.д.а куораттар Герой-куорат аатын ылбыттара.
Сэриигэ Саха сириттэн 63 тыһыынча кини ыҥырыллан барбыта, ол иһигэр 418 дьахтар ыҥырыллан сэриилэспитэ. 3 042 киһи үлэ фронугар ыҥырыллыбыта. 38 415 киһи сэрииттэн эргиллибэтэҕэ. 65-82 тыһыынча киһи тыылга хоргуйан өлбүтэ.Кыайыы иһин турууласпыт Дьоруойдар ааттара өлбөөдүйбэт!
М.Е.Васильева аатынан 2 Малдьаҕар орто оскуолатын үөрэнээччилэрэ Улуу Кыайыы күнүн көрсө элбэх тэрээһини ыыттыбыт. Ол курдук «Георгиевская ленточка» акцияҕа оҕолор, учууталлар кыттаннар, бары георгиевскай лента иилинэн үөрэннибит. Оскуолабытын киэргэтэн «Окна Победы» акцияҕа кыттан, хас биирдии оҕо тус кылаатын киллэрдэ.
Кылаастар бары Кыайыы 80 сылыгар аналлаах бырайыактары оҥордулар, ол курдук бэтэрээннэргэ бородуукта набора, бэйэ олордубут помидордарын рассадатын бэлэхтээтилэр, тимуровскай үлэҕэ тахсан, мас хайыттылар, тиэргэн ыраастаатылар, аудио кинигэ оҥордулар, Кыайыыга аналлаах хоһооннору дьиэ кэргэнинэн аахтылар, «Мин мантан сэриигэ барбытым» ырыанан клип уһуллулар, сэрии тиэмэтигэр кэпсээн ааҕан уруһуйдаатылар, «80 слов о Победе» акцияны ыыттылар.
«Эхо Победы» акцияҕа оҕолор бэйэлэрин хос эбэлэрин, хос эһэлэрин туһунан иһитиннэриилэри оҥорон, музейга бэлэх ууннулар. «Егоровскай ааҕыылар» диэн оскуолаҕа бастакытын ыытыллыбыт конференцияҕа 29 кыттааччы, ол иһигэр дьиэ кэргэттэр, учууталлар, төрөппүттэр сэрии кыттыылаахтарын, тыыл бэтэрээннэрин, сэрии кэмин оҕолорун туһунан дакылааттары аахтылар, бу оҥорбут матырыйаалларын барытын оскуола музейыгар бэлэх ууннулар.
2 Малдьаҕар орто оскуолатын медиакиинэ