Күүтүүлээх сайын кэлиитигэр бэлэмнэнэн хас биирдии нэһилиэк субуотунньукка тахсан, дьиэтин таһын хомуйар, олбуорун ыраастыыр. Ол гынан үөрүүлээх, киһиэхэ биһирэтэр сааскы кэми халаан уутун кэлиитэ санньытар. Итигирдик, быйыл Таастаах нэһилиэгин суолун халаан уута хайа сүүрэн нэһилиэнньэ айанныырыгар кэккэ харгыстары үөскэттэ. Маннык улахан халаан уута бүтэһигин 2007 сыллаахха кэлбитэ.
Быйылгы кыстыгы Тастаах нэһилиэгэ хайдах туораабытын уонна субуотунньуга хайдах ааспытын туһунан нэһилиэк специалистарыттан баран ыйыттым.
— Үтүө күнүнэн Артур Николаевич! Аҕыйах ыйытыыбар эппиэт биэриэн диэн эрэнэбин. Эн билэргинэн нэһилиэк иһигэр төһө сүөһү, сылгы баарый? Хас ыал сылгы, сүөһү тутарый? Кэтэх хаһаайыстыбаҕа кыстык хайдах ааһан иһэрин уонна туох ыараххаттар баалларын туһунан кэпсээ.
МТ тыа хаһаайыстыбатын специалиһа Протопопов Артур Николаевич иһитиннэриититтэн:
— Таастаах нэһилиэгэр 14 ыал сылгы уонна сүөһү ииттэллэр. Уопсайа сылгы ахсаана — 366 төбө, сүөһү — 394 төбө. Кэтэх хаһаайыстыбалаах ыалларга кыстык ыарахан со5устук ааста. Иллэрээ сыл улахан баһаар туран былырыын оттуур сирдэр ууга барбыттара, онон бу сыл от олох кырыымчык. Дьон от атыылаһан сыл та5ыстылар диэххэ сөп. Сүөһү ахсаана сылтан сыл аччаан иһэр, дьон сүөһүлэрин эһэллэр.
Бэс ыйын Тастаах олохтоохторо хайдах курдук атааралларын туһунан «Таастаах нэһилиэгэ» МТ главнай специалиһыттан Муксунова Галина Семеновнаттан баран ыйыттым.
— Дорообо Галина Семеновна! Нэһилиэк сааскы субуотунньукка хайдах бэлэмнэнэрий, төһө киһи кыттарый, нэһилиэк тэрилтэлэрэ туох былааннаахтарый?
«Таастаах нэһилиэгэ» МТ главнай специалиһа Муксунова Галина Семеновна иһитиннэриититтэн:
— Ыам ыйын бастакы күнүгэр — Эйэ, Үлэ, Саас бырааһынньыгар Таастаах олохтоох дьаһалтатын специалистара, детсад, оскуола, кулууп үлэһиттэрэ сүүрбэччэ киһи Кыайыы болуоссатын ыраастаан субуотунньуктаатыбыт. Кыайыы бырааһынньыгын күнүгэр бэлэмнээбиппит. Субуотунньук кыттыылаахтарыгар полевой кухня тэрилиннэ. Олус көхтөөх, өрө көтөҕүллүүлээх үлэ та5ыста. Мантан саас сир хараарыыта тэрилтэлэр бэйэлэрин учаастактарын ыраастыахтара уонна дэриэбинэ территориятын хомуйууга өссө да субуотунньуктар буолаллара былааннанар. Бэс ыйын са5аланыыта сөргүтүү болуоссатыгар сибэкки олордуутун субуотунньуга буолуохтаах.
Быйылгы халаан уутун туһунан эттэххэ Таастаах нэһилиэгин суолун халлаан уута хайа сүүрэн нэһилиэнньэ айанныырыгар кэккэ харгыстары үөскэттэ. Ыам ыйын 14 күнүттэн улуустааҕы ыксаллаах быһыы-майгы комиссиятын быһаарыытынан, Николай Монастырев салайааччылаах быыһыыр биригээдэ моторканан дьону туораталлар. Кыһалҕалаах дьон нэһилиэк баһылыгар Егор Панкратьевичка бородуктаҕа сакаас биэрэн ылларар. Маннык улахан халаан уута бүтэһигин 2007 сыллаахха кэлбитэ, онно муостабытын олоччу алдьаппыта. Сотору кэминэн уу түстэҕинэ нэһилиэк эр дьоно суолу өрөмүөннүүр былааннаахтар.
Матырыйаалы суруйда 6 кылаас үөрэнээччитэ Аргунов Альберт,
Таастаах орто оскуолата, Нам.