Амма улууһун Эмис нэһилиэгин эдэр бөҕөстөрө тренердэрин Аркадий Николаевич Тастыгины кытта Бурятиянан, Монголиянан эрчиллэ, матчевай көрсүһүүлэргэ кытта сылдьаллар. Бу туһунан бэлиэтээһиннэрин дневниктэригэр суруналлар.
ЭДЭР БӨҔӨСТӨР ДНЕВНИКТЭРИТТЭН
03.12.25. Бурятия киин куоратыгар Улан-Удэҕэ кэллибит. Манна 435 тыһыынча 67 киһи олорор. Биллэр тустууктар Эрдэм Турлаков, Бэйигто Жалсараев, Евгений Жербаев, Стальвира Оршуш, Вероника Чумикова, Базыр Базаргуруев, Борис Будаев туһунан биллим.
I дьарык. Бастаан сүүрдүбүт Илиибитин хамсатан сүүрэбит. Илин, кэлин куврок, онтон пааранан кырынаас, тобукка проходтар. Передний мост забиганья. Пааранан үлэҕэ үстэ атахтыыбыт, 10 накаат, 10 сайтиевский накат, 10 кириэс, пааранан бырахсабыт, акробатикаҕа үлэ.
II дьарык. 360 кыраадыс рывок, илин, кэлин куврок, фляк, солнышко. Акробатикаҕа пааранан үлэ. 1 киһи атахха киирэр, онтон иккис киһи киирэр. Балл ылыахпытыгар диэри туһуннубут. Акробатикалаатыбыт, оонньоотубут.
III дьарык. Разминка, куврок, пааранан үлэ. Атахха киирии приемнарынан үлэ. Балл ылыахпытыгар диэри туһуннубут. Паарабын хаста да атахтаан кэннигэр тахсан балл ыллым. Стройдаатыбыт. Оонньоотубут. Акробатикалаатыбыт. Пааранан кырынаас.
04.12.25. Дьарык. Сүүрдүбүт. Илиибитнэн хамсанан сүүрдүбүт. Приставные шаги, илин, кэлин, ойоҕоспутунан куврок. Разминка. Хамсыы сылдьан проход оҥоробут. Пааранан үлэ. Партерга туһуннубут. Атахха үлэ. Душтанныбыт.
06.12.25. Улан-Удэҕэ баарбыт. Күрэхтэһии буолла. Мин бастакыбар киһим атахтаабыта. Кэннибэр тахсыбыта. Стойка. Күлүүскэ ылан туше уурдум. 2:2 кыайдым. Иккискэ атахтаата. Кэннибэр таҕыста. Стойка. Көбүөр таһыгар таһаарда. Бастакы тайм бүттэ. 3:0 хотторон иһэбин. Киһим 4 баллга мельницаҕа бырахта. 7:0 хоттордум, бириэмэнэн. Үһүскэ киһим атахтаата. 10:0 бардым.
08.12.25. Улан-Удэттэн Монголияҕа диэри 13 чаас айаннаатыбыт. Аара тохтобулга статуя турар. Онно харчы уураллар көрөн, биһиги эмиэ аҕыйах харчы уурдубут. Барааннара көрдүбүт. Докумуоннарбытын бэрэбиэркэлээтилэр. Айаннаан иһэн хайа бөҕөтүн көрдүбүт. Хас да дэриэбинэни аастыбыт.
09.12.25. Монголияҕа бастакы дьарыкпыт буолла. Бастаан бары стройдаатыбыт. Онтон сүүрдүбүт. Разминкалаатыбыт. Мэһэйдээх сүүрүүнү оҥордубут. Илин, кэлин куврок, солнышко оҥордубут. Тиэрэ сытан төбөбүт оройунан, аҥаар илиибитинэн көмөлөһүннэрэн мостик түһэбит. Пааранан үлэлээтибит. Дьарык диэн күүстээх үлэ, күн аайы маннык үлэлиигин. Үлэлээтэххинэ кыайыы кэлэрин өйдүүбүн.
10.12.25. Күрэхтэһии буолла. Мин киһим бастаан умса анньан балл ылла. Накат оҥордо. Атахтаата. 5 баллга бырахта. 10:0 кыайда. Иккискэ эмиэ атахтаата. Кэннибэр тахсан кириэстээтэ. Онтон эмиэ атахтаата. 10:0 бардым.
13.12.25. Улан-Батор – Монголия киин куората. Биһиги уопсайга олордубут. Чингисхан музейыгар сырыттыбыт. Верблюдка хатааһылаатыбыт. Уонна спорт саалаҕа күн аайы дьарыктанабыт. Матчевай көрсүһүү буолла. Улан-Батор үчүгэй куорат. Монголлар тустуунан күүскэ дьарыктаналлар эбит. Күүстээхтик тусталлар дии санаатым.
Алеша Захаров, VI кылаас
03.12.25. Бурятия Республиката Россияҕа ураты айылҕатынан, Байкал күөлүнэн, хайаларынан биллэр. Бурятияҕа тимир суол саамай уһун тоннеля баар. Ленин төбөтүн саамай улахан скульптурата эмиэ Бурятияҕа баар. Олорор киһитин ахсаана – 970 тыһыынча 679. Бурятия биллэр тустууктара Россия үс төгүллээх чемпиона, Европа чемпиона. Александр Богомоев, ССРС спордун үтүөлээх маастара, Российскай Федерация үтүөлээх тренерэ Борис Будаев, юниордарга Россия чемпиона Федор Балтуев, Россия чемпиона, Европа уонна Аан дойду призера Ирина Ологонова
Бурятияҕа бастакы дьарыкпыт 9.30 саҕаланна. “Патриот” спорт саалаҕа тиийдибит. Дьарыкпыт манна буолла. Бастаан разминка. Сүүрүү, проход. Атахха үлэ. Ол кэннэ тустуу. Акробатика.
Иккис дьарыкпыт күнүс 3.30 саҕаланна. Бастаан разминка. Ол кэннэ проходтары оҥордубут. Балл ылыахпытыгар диэри туһуннубут. Скороска сүүрдүбүт. Отжимание, пресс хачайдааһына, сальто оҥордубут.
Киэһэ 17.00 үһүс дьарыкпыт саҕаланна.
06.12.25. Матчевай көрсүһүүлэр буоллулар. 1 круг. Киһибин вертушкалаатым. Онтон стойкаҕа туран икки атахха киирэн баран туше уурдум. 2 кург. Хоттордум. 1:10 хоттордум. 3 круг. Үһүс миэстэ иһин туһуннум. Кочерга приему туһанан туше уурдум. Иккис схваткабар аһары ыксаан хоттордум.
13.12.25. Монголия киин куоратыгар Улан-Баторга кэллибит. 1 мөлүйүөн 405 тыһыынча 64 киһи олорор. Матчевай көрсүһүүгэ баллбынан хоттордум. Улан-Батор улахан куорат. Барыта хайа дойдута. Уопсайга олордубут. Онно барыта тустууктар олороллор. Монголлары кытта билистибит. Новай Зеландия уолаттарын кытта доҕордостум. Монгол тустууктара түргэнник хамсанарга уонна атахха күүскэ үлэлииллэр эбит. Манна сылдьаммын көбүөргэ көмүскэнэргэ, көбүөргэ буолар хамсаныылары төбөбүнэн хонтуруоллуурга үөрэнним. Улан-Баторга Чингисхан статуятыгар, музейыгар сырыттыбыт. Монголлар сахалартан уратылара диэн наһаа кытаанахтар эбит.
Мин бу айаммын дьоннорум бары харчы бырахсан төлөөбүттэрэ, көмөлөспүттэрэ. Онон дьоммор уонна биһигини илдьэ сылдьар тренербэр Аркадий Николаевич Тастыгиҥҥа махтанабын. Элбэҕи биллим. Монгол, бурят, атын омук оҕолорун кытта билсэн доҕордостум. Кинилэри кытта тустан көрдүм. Атын омуктар хайдах тусталларын, көбүөргэ хайдах үлэлииллэрин көрдүм.
Игнатий Устинов, VIII кылаас