Алтынньы 30 күнүгэр «Өркөн» оҕону эбии үөрэхтээһин киинин тэрийиитинэн күһүҥҥү каникул кэмигэр «Игрушки в чемодане» диэн коллекция быыстапка буолан ааста.
Манна элбэх оҕо Суоттуттан, Бэйдиҥэттэн, Майаҕастан, уонна Мүрү 1, 2 оскуолаларыттан кыттыыны ыла кэлбиттэр. Араас оонньуурдар, былыргы ийэлэрэ аҕалара оонньообут оонньуурдара, харыйа оонньуурдара, киндердар бааллар. Давид Мальчекитов массыыналары мунньар эбит. Эмма Черкашина кытай араас фигуркаларын аҕалбыт. Литвинцев Семен араас киинэ геройдарынан коллекционнай фигуралары, значоктары уонна урукку харчылары Колесов Эрсан мунньаллар эбит. Суотту орто оскуолатыттан кэлбит Свинобоева Эльмира уонна Ноговицына Айсена коллекцияларын 3 гына араарбыттар: эбэлэрин оонньуурдара, ийэлэрин оонньуурдара уонна бэйэлэрин оонньуурдара. Мин дьиэ кэргэммэр ийэм тикпит оонньуурдарын балтыларбынаан харыстаан уура сылдьарбытын аҕалан көрдөрдүбүт Кыракый эрдэхпитинэ ийэбитигэр кыралаан көмөлөһөр этибит. Биһиги ордук урукку куукулалары интэриэһиргээтибит. Түмүккэ, кыттыбыт оҕолорго барыларыгар анал аат уонна «Өркөн» киинэ тыйаатырыгар сылдьарга сертификат биэрдилэр. Биһиги олус үөрдүбүт, сынньалаҥмытын сэргэхтик саҕалаатыбыт.
Сайаана, Сандаара Ушницкаялар,
III, V кылаас үөрэнээччилэрэ
«Өркөн» оҕону эбии үөрэхтээһин киинин иитиллээччилэрэ,
Майаҕас орто оскуолата,
Уус Алдан