Эдьдар Джарахов уонна Markul толорор «Я в моменте» диэн ырыалара бу сайын дойдубут үрдүнэн дьон саамай сөбүлээн истэр музыкальнай айымньытынан буолла. Ол туһунан Spotify стриминговай өҥө иһитиннэрдэ.
Маны тэҥэ быйылгы «Евровидение-2021» кыайыылаахтара Италия рок-бөлөҕө Maneskin үс саҥа ырыалара «I wanna be your slave», «Zitti e buoni» и «Beggin» бастыҥнар ахсааннарыгар киирдилэр.
Салгыы биэс бастыҥнар ахсааннарыгар Моргенштерн Soda Luv, blago white, OG Buda уонна Mayot кытары оҥорбут тректэрэ «Cristal & МОЁТ» киирдэ.
Маны таһынан бу сайын саамай биллибит уонна эдэр дьон кутун-сүрүн туппут ырыаһыттар Егор Крид, Dead Blonde рейв-бырайыага, HammAli & Navai дуэта, Branya уонна Macan бастыҥнар истэригэр киирдилэр.
Онтон аан дойду үрдүнэн бу сайын бастыҥ ырыатынан Оливия Родриго толоруутугар «Good 4» ааттанна. Бу ырыаны ыам ыйын 29 күнүттэн уонна атырдьах ыйын 22 күнүгэр диэри 600 мөлүйүөнтэн тахса киһи истибит. Онтон ырыа толорооччута 17 саастаах Оливия Родриго саамай эдэр бастыҥ ырыаһытынан аан дойдуга билиннэ.
Онтон, эһиги, оҕолоор, ханнык музыканы, ырыаны ордорон истэҕит? Ол туһунан биһиэхэ суруйаарыҥ.
Электроннай аадырыспыт: keskilpress@mail.ru
Күүтэбит!