Биһиги 8-с кылаас үөрэнээччилэрэ Аҕам саастаахтар күннэрин көрсө үлэ бэтэрээннэрин Мордосова Татьяна Гаврильевнаны уонна Архипова Татьяна Ивановнаны эҕэрдэлээтибит.
Ол курдук кылааспыт оҕолоро бары иккилии бородуукта арааһыттан аҕалбыппыт. Бирээнньик, лапса, помидор, үүт, рис, мас арыыта, лечо о.д.а. бородуукталаах икки олус үчүгэй набор буолбута.
Аҕа саастаах дьоммутугар дьиэлэригэр тиийэн, кинилэри эҕэрдэлээн, бэлэхпитин туттарбыппыт. Маннык үтүө дьыаланы оҥорор киһи санаатыгар үчүгэй эбит.
Стас ГРОМОВ,
М.Е. Васильева аатынан 2-с Малдьаҕар орто оскуолатын
8 кылааһын үөрэнээччитэ.