Ахсынньы тымныылара түстүлэр, кылгас күннэрэ үүннүлэр. Таһырдьа кыраадыс -40-50-тан намыһаҕы көрдөрөр, сарсыардатын дьыбардаах, күнүһүн да хойуу туманнаах. Ол иһин суолга массыына кэлэрэ-барара көстүбэт буолла. Аны олус халтараан. Маннык кэмҥэ сатыы дьон уонна суоппардар суолга сэрэхтээх буолаллара ирдэниллэр.
Саҥа дьыл чугаһаабытынан, мин ГАИ инспектордарын кытары Бороҕон уулуссаларыгар тахсан, Саҥа дьыллааҕы ааксыйаны ыыттыбыт. Ол курдук, ГАИ үлэһиттэрэ Тымныы Оҕонньор уонна Хаарчаана буолан таҥыннылар. Ааһан иһэр суоппардары, сатыы дьону тохтотон, суолга сэрэхтээх буолалларыгар өйдөтөр үлэни ыыттыбыт, итиэннэ кэлэн иһэр Саҥа дьылынан Тымныы Оҕонньор уонна Хаарчаана сакалаат бэлэхтээтилэр,
Майаҕас орто оскуолатын алын кылааһын үөрэнээччилэрэ суол быраабылаларын тутуһуу туһунан уруһуй оҥортообуттара. Ону мин суоппардарга өйдөбүнньүк быһыытынан туттардым. Олус соһуйдулар уонна үөрдүлэр.
Бу ааксыйабытыгар кыттыбыт инспектордар, бэрэбиэркэҕэ түбэспит суоппардар – бары Саҥа дьыллааҕы настарыанньаланныбыт, хаартыскаҕа түстүбүт, туһалаах тэрээһиҥҥэ кыттыбыппытыттан астынныбыт.
Бука бары суолга сэрэхтээх буолуоҕуҥ!
Айталана Пухова,
В.А.Протодьяконов-Кулантай аатынан Майаҕас орто оскуолатын VIII кылааһын үөрэнээччитэ.
26.12.2018с.