Бу күннэргэ Бороҕоҥҥо Саха сирин норуоттарын VIII оонньууларыгар оҕолор өҥө этэрээтин үлэлэтэллэр. Кинилэр Бороҕон иһин уонна «Майаҕатта Бэрт Хара» аатынан стадиону ыраастыыллар. Кинилэр баар буоланнар Бороҕоммут бу оонньуулар кэмнэригэр ыраастык турар.
Этэрээккэ улэлиир оҕолортон Люба Лукинаны уонна Ситора Матвееваны кытта кэпсэттибит:
—Биһиги этэрээппит стадиону, сэлиэнньэбит уулуссаларын уонна общественнай миэстэлэри ыраастыыр. Маршруппут киэҥ, хамаандаларга арахсан, паарканы хабан, хас тэрээһин, күрэхтэһии кэнниттэн стадион бөҕүн-саҕын хомуйабыт. Уопсайа 30 оҕо үлэлиир: Бороҕонтон – 20, Мындаабаттан – 10 оҕо үлэлиир. Салайааччыларбыт – Оксана Архиповна Атласова уонна Алёна Юрьевна Петухова. Сарсыарда уолаттар 8:00 чааска стадиоҥҥа киирэллэр, кыргыттар 9:00 чаастан үлэлиибит. Күнүс 12:00 чааска диэри уулуссалары хомуйабыт. Эбиэппит сынньалаҥа 12:00-17:00 чааска диэри, онтон 20:00 чааска диэри эмиэ үлэлиибит. Үлэбит олус интириэһинэй. Улууспут туһугар көмөлөһөрбүтүттэн астынабыт аҕай. От ыйын 10 күнүгэр диэри үлэлиэхпит, − дэһэллэр кыргыттар
Дуня Сивцева,
Мүрү 1 №-дээх орто оскуолатын выпускнига