Мүрү 1 №-дээх орто оскуолатын VI “А” кылааһын үчүгэй сыаналарынан үөрэнэн бүтэрбит Айхал Неустроев Ил Дархаҥҥа “эйигин кытта көрсүһүөхпүн баҕарабын” диэн суруйан турар. Онуоха хардаран, Айсен Сергеевич Айхалга Саха сирин норуоттарын VIII спартакиадатын аһыллыытыгар кэккэлэһэ миэстэҕэ билиэт бэлэхтээн үөртэ.
“От ыйын 5 күнүгэр Бороҕоҥҥо ыытыллар спартакиада аһыллыытыгар эйигин Ил Дархан Айсен Сергеевич көрсөөрү гынар диэн төлөпүөннээбиттэригэр соһуйбутум уонна олус үөрбүтүм. Эрдэттэн, церемония саҕаланыан быдан инниттэн, миэстэбэр илдьэн олордубуттара.
Ил Дарханы, улуус баһылыгын, миниистирдэри кытта олороҕун диэбиттэригэр долгуйуу бөҕө буолбутум. Аттыбар кэлэн илиилэрин биэрэн дорооболоспуттара, кэпсэтэн, билсэн барбыттара. Маннык улахан салайааччылар наһаа үчүгэйдик үөрэ-көтө кэпсэппиттэриттэн үөрүүм, долгуйуум улааппыта”, – диэн Айхал санаатын үллэстэр.
Дуня Сивцева, Алина Гриц,
Мүрү 1 №-дээх орто оскуолатын выпускниктара.
Источник: мюрюгазета.рф