Посткроссинг—аккырыыккалары билэр-билбэт дьоҥҥо ыытан атастаһар сыаллаах аан дойдуга биллэр бырайыак. Билигин көмпүүтэр, смартфон үйэтэ кэлэн дьон сурук суруйары, аккырыыкканы ыытан эҕэрдэлэһэри умнан эрэллэр. Урукку кэмҥэ дьон бырааһынньык аайы аймахтарыгар, доҕотторугар уончалыы аккырыыкканы ыытар буолаллара.
☃ Н.Е.Мординов-Амма Аччыгыйын аатынан «Кэскил» оҕо бэчээтин кыһата уонна Россия почтатын Саха сиринээҕи салаата (дириэктэр Пётр Птицын) кэлэн иһэр Саҥа дьылынан эҕэрдэлииллэр уонна «САҤА ДЬЫЛЛААҔЫ ПОСТКРОССИНГ» куонкуруһу биллэрэллэр!
☃“КЭСКИЛ” хаһыат ААҔААЧЧЫЛАРА, бу үтүө үгэспитин сөргүтэн, Саҥа дьыл иннинэ Саха сирин бары муннуктарыгар, өрөспүүбүлүкэ таһыгар да, эҕэрдэлээх аккырыыккалары ыытан, чугас дьоммутун үөрдүөҕүҥ!
Билбэт оҕолоргутугар ыытыаххытын эмиэ син. Холобур, VI кылаастар ханнык баҕарар оскуола VI кылааһыгар аккырыыкканы ыыталлар.
Эбэтэр аадырыһа, холобур, маннык буолуон сөп: Өлөөн улууһа, Харыйалаах оскуолата, V кылаас, түннүк анныгар кэнники паарта хаҥас өттүгэр олорор оҕоҕо.
Куонкурус кыайыылааҕынан саамай элбэх аккырыыкканы ыыппыт “Кэскил” хаһыат эдэр кэрэспэдьиэннэрин түмсүүтэ, кылаас уонна биирдиилээн оҕо буолаллар.
Ирдэбилэ:
— Хас аккырыыкканы ыыппыккытын көрдөрөр хаартыскалары keskil@inbox.ru электроннай почтаҕа ыытаҕыт. Аккырыыккаҕа ханна ыытар аадырыскыт суруллубута чуолкайдык көстөр буолуохтаах.
— ШТЕМПЕЛЭ эмиэ үчүгэйдик көстөрө ирдэнэр. Чуолкайа суох түһэриллибит аккырыыккылар аахсыллыбаттар.
— Кыттааччылар “Кэскил” эбэтэр “Юность Севера” хаһыакка 2020 сылга сурутуулаах буолуохтаахтар. Квитанция куоппуйатын хаартыскатын эмиэ ыытаҕыт.
— Кэмбиэр иһигэр батар кыра бэлэҕи уган ыытыаххытын син.
Бирииһэ:
Саамай элбэх аккырыыкканы ыыппыт “Кэскил” хаһыат эдэр кэрэспэдьиэннэрин түмсүүтэ, кылаас уонна биирдиилээн оҕо грамотанан уонна сыаналаах бириистэринэн наҕараадаланаллар. Кыттааччыларга барыларыгар—сертификат.
Болдьоҕо: 2020 с.тохсунньу 9 күнүгэр диэри. Түмүгэ Саҥа дьыл кэнниттэн keskil14.ru уонна «Кэскил» хаһыакка тахсыа.
Отчуоккутун keskil@inbox.ru электроннай почтаҕа күүтэбит.
Саҥа дьылга хас биирдии киһи, сааһыттан тутулуга суох, туох эрэ дьиктини күүтэр. Онон чугас доҕотторгутугар соһуччу үөрүүнү, аптаах түгэни бэлэхтииргитигэр ыҥырабыт. Посткроссинг саҕаланна!