Боксер уолаттарбыт бу ыйга өрөспүүбүлүкэтээҕи таһымнаах икки турнирга ситиһиилээхтик кытыннылар. Ол курдук, муус устар 4-6 күннэригэр Ньурба Маалыкайыгар боксаҕа ССРС, РФ спордун маастардарын бирииһигэр ыытыллыбыт турнирга Никифоров Алмаас I м, Харитонов Егор, Федоров Богдан II м, Попов Рудольф III м, оттон тренер Бэргэн Александрович улахан дьоҥҥо I м уонна «Бастын тренер» ааты ыллылар.
Ол кэнниттэн бу ый 11-13 күннэригэр Тойбохойго спорт бэтэрээнэ П.А. Васильев бирииһигэр ыытыллыбыт аһаҕас турнирга Рудольф Попов, Алмаас Никифоров, Никандр Харитонов, Богдан Федоров, Егор Харитонов чемпион үрдүк аатын, онтон Леон Романов, Костя Егоров, Дамир Акимов II бочуоттаах миэстэни ылан кэллилэр.
Оҕолор Бессонов Г.Е. аатынан Тойбохойдооҕу кыраайы үөрэтэр музейга сылдьан, улуустарын туһунан билиилэрин хаҥаттылар.
Тренер Бэргэн Александрович оскуолабытыгар 4-с сылын тренеринэн ситиһиилээхтик үлэлиир, элбэх оҕону секциятыгар хабан эрчийэр, араас таһымнаах күрэхтэһиилэргэ кытыннарар.
“Кустук” пресс-киин.
Күүкэй, Сунтаар.