Бүгүн Бэс ыйын 10 күнүгэр «Спортивные Якутяне» үөрэнээччилэр спартакиадаларын Бксаҕа күрэҕин финала буолан ааста. Ол курдук, уопсайа 19 ыйааһыҥҥа чөмпүйүөн аатын иһин тыҥааһыннаах киирсиилэри көрдүбүт. Олортон, 6 паара кыргыттар. Кыргыттарга, бүгүҥҥү күҥҥэ, саамай үчүгэй көрдөрүүлээх Горнай улууһун хамаандата буолла. Ол курдук, сүүмэрдэммит хамаандаҕа биэс кыыс эбит буоллаҕына, үһэ бастакы миэстэни ылары ситистилэр, иккитэ 3 миэстэ буоллулар.
Горнай улууһун боксаҕа сүүмэрдэммитин хамаандатын тренера Борис Михайлович Сидоров бу курдук тэрээһин туһунан санаатын үллэһиннэ:
—Бу күрэххэ уопсайа 11 оҕону кытыннара аҕалбыппыт, олортон 6 оҕобут эрэллээхтик полуфиналга киирбиттэрэ, онтон бүгүн 3 кыыспыт финалга тахсан бастакы миэстэни ылары ситистилэр. Олус үөрдүбүт, бэйэбит сорукпутун сүүс бырыһыан толордубут дии саныыбын.
Бу киирсиилэри көрө кэлбит Сахабыт сирин биир бастыҥ боксёра Василий Егоров оҕолор тустарынан санаатын, бу курдук, эттэ:
— Бокса көрө сылдьабын, эдэр спортсменнары. Үчүгэй оҕолор бааллар эбит. Бу күрэххэ бастаатахтарына атын күрэхтэргэ баран кыайыахтара диэн эрэнэбин.
Финал киирсиилэрэ бэрт өрө күүрүүлээхтик аастылар. Ыалдьааччылар хаһыытаан-ыһыытаан тэрээһини өссө күүркэтэн биэрэннэр, кыттааччыларбыт хамаандаларын аатын түһэн биэрбэт туһуттан туох баар маастарыстыбаларын туһанан, санааларын күүһүн, тулуурдарын киллэрэн, тыҥааһыннаах киирсиилэри көрдөрдүлэр.
Бэлиэтээн эттэххэ, быйылгы дьыллааҕы үөрэнээччилэр спартакиадаларын чэрчитинэн ыытыллар бокса күрэҕэ СССР международнай таһымнаах спордун маастарын Сергей Владмирович Самойлов үтүө өйдөбүлүгэр ананна. Тэрээһин түмүгэр Сергей Владимирович аймахтарын аатыттан үчүгэй көрдөрүүлээх кыттааччыларга анал бириистэри туттардылар.
Кыайыылаахтары наҕараадалааһын бүгүн киэһээ 17:00 чаастан «Туймаада» стадиоҥҥа үөрүүлээх быһыыга-майгыга буолуоҕа. Ол кэнниттэн 18:00 «Спортивные Якутяне» үөрэнээччилэр Спартакиадаларын өрөгөйдөөх сабыллыыта буолуоҕа.
Виолетта ЛЕВИНА,
«Дьоҕур» медиа-оскуола эдкора, Кэбээйи