Саха Өрөспүүбүлүкэтин Билим дьоҕус академиятыгар икки смена үлэлии турар.
Атырдьах ыйын 1 күнүттэн, «Академия успеха» сайыҥҥы сынньалаҥ лааҕыра үлэлиир. Бу сменаҕа халаан уутугар эмсэҕэлээбит дьиэ кэргэн оҕолоро кэлэн сайыҥҥы сынньалаҥнарын атаара сылдьаллар.
Атырдьах ыйын 11 күнүттэн, «Спорт» хайысхатынан профильнай смена үлэтин саҕалаата. Ох саанан, саахыматынан, чэпчэки атлетиканан, буулдьанан ытыынан дьарыгырар оҕолор кэлэн дьарыктарын саҕалаатылар.
«Кэскил» оҕо бэчээтин кыһатын художнига, Вероника Жиркова «Академия успеха» сайыҥҥы сынньалаҥ лааҕырын оҕолоругар, уруһуйга маастар-кылаас ыытта. Маастар кылаас уратыта диэн — шаригынан уруһуйдаатылар. Хас биирдии оҕо ураты, майгыннаспат, олус кэрэ көстүүлээх уруһуйдары оҥорон таһаарда. Бу маастар-кылааска оҕолор уруһуй араас кистэлэҥнэрин биллилэр, кэрэ эйгэҕэ сыстан дуоһуйа сынньаннылар. Шариктаах буолан олус интэриэһиргээн, үлүһүйэн туран уруһуйдаатылар.
Виктория Колодезникова