Атырдьах ыйын 9 күнүгэр Хаҥалас улууһун Чапаево сэлиэнньэтигэр Билим дьоҕус академиятын уонна «Ленскай край» выпускниктарын маҥнайгы форумнара саҕаланна. Форуму тэрийээччилэринэн СӨ Билим дьоҕус академията уонна СӨ кэлэр көлүөнэ тус сыаллаах фондата буолаллар. Бүгүҥҥү күн араас сыллааҕы выпускниктары, программаҕа кыттыыны ылбыт олимпиадниктары, бииргэ үлэлэспит дьону түмтэ.
Форум сүрүн сыала – Саха сиригэр ыччаты уонна кэлэр көлүөнэни өйөөһүн суолларын дьүүллэһии.
Тэрээһини СӨ Билим дьоҕус академиятын ураты дьоҕурдаах оҕолору сүрүннүүр киинин тьютора Сергей Валентинович Попов иилээн-саҕалаан ыытта. Форум дойду өрөгөй ырыатынан, ол кэннэ Ил Дархан уонна СӨ Бырабыыталыстыбатын дьаһалтатын салайааччы Георгий Николаевич Михайлов тыл этиитинэн үөрүүлээх быһыыга-майгыга аһылынна.
Ыҥырыылаах ыалдьыттартан СӨ экономикатын миниистирэ Петр Иванович Попов «Социально-экономическое развитие РС(Я)», СӨ үөрэх уонна билим миниистирин солбуйааччы Степан Андреевич Степанов «Качество образования нового поколения якутян», СӨ кэлэр көлүөнэ тус сыаллаах фондатын генеральнай дириэктэрэ Владимир Анатольевич Егоров «НТК: Ленский край инновационная площадка для молодежи» диэн тиэмэлэргэ иһитиннэрии оҥордулар. Оттон выпускниктар ааттарыттан Булгунньахтаах сэлиэнньэтин баһылыга Анна Ивановна Васильева тыл эттэ.
Сиһилии видеоматырыйаалга көрүҥ:
keskil14.ru