Балаҕан ыйын 1 күнүгэр 6 кырачаан үөрэнээччи билии — көрүү аартыгын арыйан, уһун — киэҥ суолу арыйан үөрэнэ киирбиттэрэ.
Билии дойдутугар туруммуттара, үөрэнээччи үрдүк аатын сүкпүттэрэ. Билии киэҥ аартыгар сирдьээччинэн, маҥнайгы учууталларынан Саха Республикатын туйгуна Мария Николаевна Осипова буолбута.
Номнуо биэс ый ааста ааҕарга, суруйарга үөрэппит маҥнайгы доҕордорунан Букубаардыын бүгүн быраһаайдаһар күннэрэ буолла. Оҕолор олус үчүгэйдик хоһоон аахтылар, ырыа ыллаатылар. Педагог-библиотекарь Галина Никитична Антонова уонна 5 кылаас туйгун үөрэнээччитэ Айыллаана Афанасьева таабырыннары таайтарбыттара, оҕолорго минньигэс бэлэхтээтилэр, учууталлара Мария Николаевна оҕолорго киэҥ билиилээх, инникитин элбэхтик кинигэни ааҕыҥ диэн туран ааҕар кинигэ бэлэхтээтэ.
Ханнык баҕарар киһи бу билиигэ-көрүүгэ сирдээбит, уһуйбут кинигэтин Буукубаары хаһан да умнубат.
Эһиги эмиэ оҕолор, билии суолугар сирдьит буолбут кинигэҕитин Буукубаары хаһан да умнуман !
Артемий Васильев , 3 кылаас,
1-Хаҥалас орто оскуолата, «Ыллык» эдкорпост